ដោយសម្ដេចបន្តថា ក្រោយបញ្ចប់កិច្ចប្រជុំមហាសន្និបាតអង្គការសហប្រជាជាតិ សម្ដេចនឹងបន្តដំណើរទៅទស្សនកិច្ចផ្លូវការ នៅប្រទេសគុយបា រួចបន្តដំណើរទៅទីក្រុងតូត្យូ ប្រទេសជប៉ុន ដើម្បីចូលរួមបុណ្យសព ឯកឧត្តមស៊ីនហ្សូ អាបេ អតីតនាយករដ្ឋមន្ត្រីជប៉ុន ផងដែរ។
យោងតាមទំព័រហ្វេសប៊ុកផ្លូវការរបស់សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅថ្ងៃទី២០ ខែកញ្ញា ឆ្នាំ២០២២ បានបញ្ជាក់ថា នៅថ្ងៃទី២១ ខែកញ្ញា ឆ្នាំ២០២២ សម្ដេច ហ៊ុន សែន នឹងដឹកនាំគណៈប្រតិភូកម្ពុជា ទៅចូលរួមមហាសន្និបាតអង្គការសហប្រជាជាតិ លើកទី៧៧ នាទីក្រុងញូយ៉ក សហរដ្ឋអាមេរិក។ បើតាមសម្ដេច ហ៊ុន សែន បន្ទាប់ពីបញ្ចប់បេសកម្មនៅទីក្រុងញ៉ូយ៉ក សម្ដេចនឹងបន្តដំណើរទៅទស្សនកិច្ចផ្លូវការ នៅប្រទេសគុយបា ព្រមទាំងបន្តដំណើរទៅទីក្រុងតូត្យូ ប្រទេសជប៉ុន ដើម្បីចូលរួមបុណ្យសព ឯកឧត្តមស៊ីនហ្សូ អាបេ អតីតនាយករដ្ឋមន្ត្រីជប៉ុន ដែលត្រូវបានខ្មាន់កាំភ្លើងបាញ់ប្រហារ នៅទីក្រុងណារ៉ា ភាគខាងលិចប្រទេសជប៉ុន ក្បែរទីក្រុងតូក្យូ កាលពីថ្ងៃទី៨ ខែកក្កដា ឆ្នាំ២០២២ កន្លងមក។
អត្ថបទគួរអាន
ប្រទេសជប៉ុន នឹងចំណាយប្រាក់អស់ប្រហែល ១២លានដុល្លារអាមេរិក ដើម្បីប្រារព្ធពិធីបុណ្យសពផ្លូវរដ្ឋ សម្រាប់អតីតនាយករដ្ឋមន្ត្រីជប៉ុន លោក Shinzo Abe ដែលត្រូវបានឃាតករបាញ់សម្លាប់កាលពីខែកក្កដាកន្លងទៅ ដែលក្នុងនោះ រួមមានការចំណាយលើថ្លៃសន្តិសុខ និងភ្ញៀវលំដាប់ពិសេស VIP ជាដើម។ ពិធីបុណ្យនេះ នឹងប្រព្រឹត្តធ្វើឡើងនៅថ្ងៃទី២៧ ខែកញ្ញា នៅសាលនីពុន ប៊ូដូកាន (Nippon Budokan) ទីក្រុងតូក្យូ ហើយក៏នឹងមានវត្តមានមេដឹកនាំប្រទេស និងឥស្សរជនសំខាន់ៗ ជាច្រើនទៅចូលរួម ព្រមទាំងវត្តមានរបស់ថ្នាក់ដឹកនាំកម្ពុជា សម្ដេចតេជោ ហ៊ុន សែន ផងដែរ។
ដោយឡែក ក្រៅពីបញ្ជាក់ពីដំណើរទស្សនកិច្ចទៅកាន់ប្រទេសគុយបា និងការចូលរួមពិធីបុណ្យសព្វអតីតនាយករដ្ឋមន្រ្តីជប៉ុន លោក ស៊ីនហ្សូ អាបេ នៅថ្ងៃទី២០ ខែកញ្ញា ឆ្នាំ២០២២នេះ សម្ដេចក៏បានបង្ហោះសារផ្ញើសេចក្តីនឹករលឹកដល់បងប្អូនប្រជាពលរដ្ឋសម្រាប់ពិធីបុណ្យកាន់បិណ្ឌ និងភ្ជុំបិណ្ឌ ក៏ដូចជា សុំការអធ្យាស្រ័យពីប្រជាពលរដ្ឋរស់នៅអាមេរិក និងកាណាដា ផងដែរ ដែលសម្ដេចមិនអាចរៀបចំការជួបជុំបាន ដោយសារការស្នាក់នៅរបស់សម្ដេច នាទីក្រុងញូយ៉ មានរយៈពេលខ្លី និងមានកម្មវិធីច្រើន៕
