ជុំវិញទៅនឹងការលើកឡើងនេះដែរ លោកឧកញ៉ា សៀ ប្ញទ្ធី ប្រធានក្រុមប្រឹក្សាភិបាល និង ជា អគ្គនាយកក្រុមហ៊ុនវើលប្រ៊ីដ គ្រុប បានគូសបញ្ជាក់ថា គោលនយោបាយលើកទឹកចិត្តរបស់រាជរដ្ឋាភិបាលបានបើកចំហទីផ្សារសេរីសម្រាប់ វិនិយោគិនបរទេស និងជាងនេះទៅទៀតគឺការប្រើប្រាស់រូបិយវត្ថុជាប្រាក់ដុល្លារសម្រាប់វិនិយោគ និងនាំចេញ ដែលផ្តល់អំណោយផលដល់អ្នកវិនិយោគមកប្រកបអាជីវកម្មនៅកម្ពុជា។
លោកឧកញ៉ា សៀ ប្ញទ្ធី បាន បញ្ជាក់អះអាងថា ប្រទេសកម្ពុជាមានលក្ខខណ្ឌអំណោយផលសំខាន់ៗបីយ៉ាងទី១ កត្តាភូមិសាស្ត្រអំណោយផល បានន័យថា ស្ថិតនៅចំចំណុចកណ្តាលនៃប្រទេសអាស៊ាន ដែលផ្តល់ភាពងាយស្រួលសម្រាប់ទំនាក់ទំនងសេដ្ឋកិច្ច ពាណិជ្ជកម្ម និង ការវិនិយោគ ទី២ តម្លៃទីផ្សារអចលនទ្រព្យនៅមានតម្លៃថោកជាងគេឆ្ងាយនៅឡើយ បើប្រៀបធៀបទៅនឹងបណ្តាប្រទេសជិតខាង។ ហើយ តម្លៃអចលនទ្រព្យអាចនឹងមានឱកាសកើនឡើងថ្លៃខ្ពស់នៅឆ្នាំបន្តបន្ទាប់។
លក្ខខណ្ឌអំណោយផលទី៣ គឺការលើកទឹកពីរាជរដ្ឋាភិបាលចំពោះវិនិយោគិនបរទេស និង មួយទៀត គឺកត្តាសេដ្ឋកិច្ចមានកំណើនខ្ពស់ជុំវិញ ៧ភាគរយជារៀងរាល់ឆ្នាំ។ ហើយអ្វីដែលពិសេសជាងនេះទៅទៀត ដែលមិនអាចខ្វះបាន គឺស្ថិរភាពនយោបាយ សុខសន្តិភាព សេដ្ឋកិច្ចល្អ ស បី នេះហើយ ដែលជាដើមចមដ៏សំខាន់ ដែលធ្វើឲ្យមានចលនានៃការអភិវឌ្ឍសេដ្ឋកិច្ចជាតិយ៉ាងលឿនរហ័ស។
យោងតាមរបាយការណ៍ វឌ្ឍនភាពម៉ាក្រូសេដ្ឋកិច្ច និង វិស័យធនាគារឆ្នាំ២០១៨ និង ទស្សនៈវិស័យឆ្នាំ២០១៩ របស់ធនាគារជាតិបានបង្ហាញថា លំហូរចូលវិនិយោគផ្ទាល់ពីបរទេស មានក្នុង អត្រាខ្ពស់១២ ភាគរយ ជាពិសេសលំហូរវិនិយោគទុនទៅក្នុងវិស័យធនាគារ ហិរញ្ញវត្ថុ វិស័យសំណង់ អចលនទ្រព្យ និង វិស័យកាត់ដេរ៕
None
