តម្លៃផ្សារភាគហ៊ុនរបស់ថៃ កាលពីថ្ងៃព្រហស្បត្តិ៍នេះ បានកើនឡើងដល់ទៅ ជិត ៤២ពិន្ទុ ឬស្មើនឹង ៣,៤៣% ពោលគឺកើនដល់ទៅប្រមាណ ១.២៦៤ ពិន្ទុ ដោយគិតជាចំនួនទឹកប្រាក់សរុបមានដល់ទៅប្រមាណ ៨១ពាន់លានបាត ឬស្មើនឹងជាង ២ពាន់៦រយលានដុល្លារអាមេរិក។ ក្នុងនោះ ភាគហ៊ុនរបស់ក្រុមហ៊ុនចុះបញ្ជីធំៗដូចជា CP All កើនឡើង៣,៧៥%, ធនាគារកសិកន កើន១,៧៥% និងភាគហ៊ុនរបស់ក្រុមហ៊ុនប្រេងឥន្ធនៈ PTT កើន១,៥%។
លោក ផាយបូន ណាលីន ស្រាំងខួន ជាប្រធានសហព័ន្ធនៃអង្គភាពទីផ្សារមូលធនថៃ បានលើកឡើងថា ផ្សារហ៊ុននៅអាស៊ី ត្រូវបានគេរំពឹងថា នឹងមានលំហូរល្អប្រសើរ បើសិនជាលោក Biden ពិតជាឈ្នះឆ្នោតជាប្រធានាធិបតីមែននោះ ដោយសារតែគោលនយោបាយរបស់លោក មានការបន្ធូរបន្ថយពន្ធពាណិជ្ជកម្ម ហើយប្រទេសថៃក៏មិនមានកត្តានយោយបាយច្រើន ដែលអាចនៅធ្វើឲ្យសតិអារម្មណ៍ទីផ្សារមានភាពនឹងនរនោះទេ។
អត្ថបទទាក់ទង
ទឹកប្រាក់ប្រមាណ ៣០០ ពាន់លានបាត ឬស្មើនឹងជិត១០ពាន់លានដុល្លារអាមេរិក បានហូរចេញពីទីផ្សារភាគហ៊ុនថៃ ក្នុងរយៈពេល ១០ខែ ដំបូងនៅឆ្នាំ២០២០នេះ ដោយសារតែការរីករាលដាលនៃមេរោគកូវីដ-១៩ ដែលបានធ្វើឲ្យធ្លាក់ចុះនូវទំនុកចិត្តរបស់អ្នកវិនិយោគ ខណៈដែល សន្ទស្សន៍សម្រាប់រយៈពេល៣ខែ ខាងមុខទៀតនេះ ក៏បង្ហាញពីការធ្លាក់ចុះដែរ។
អ្នកជំនាញ បានគូសបញ្ជាក់ថា បញ្ហាមេរោគរាតត្បាតបានបណ្ដាលឲ្យមានលំហូរចេញយ៉ាងខ្លាំងពីទីផ្សារហ៊ុនរបស់ថៃ ទៅរកការវិនិយោគលើទ្រព្យសម្បត្តិដេលមានហានិភ័យទាប និងការវិនិយោគលើភាគហ៊ុនក្នុងវិស័យបច្ចេកវិទ្យា ភាគច្រើនភាគហ៊ុនទាំងនេះ គឺបានចុះបញ្ជីនៅអាមេរិក ចិន និងតៃវ៉ាន់ ដែលវាគឺមានផ្ដល់នូវសក្ដានុពលខ្ពស់សម្រាប់កំណើន។
ទោះយ៉ាងណា អ្នកជំនាញ បានរំពឹងទុកថា អ្នកវិនិយោគបរទេស នឹងវិលត្រឡប់មករកការវិនិយោគផ្សារហ៊ុនដូចធម្មតាវិញនៅឆ្នាំក្រោយនេះ ពិសេសនៅពេលដែលមានថ្នាំវ៉ាក់សាំងសម្រាប់មេរោគកូវីដ-១៩ ត្រូវបានអភិវឌ្ឍឡើងដោយជោគជ័យ។ ហើយអ្នកជំនាញក៏បានប៉ាន់ប្រមាណដែរថា សន្ទស្សន៍ផ្សារហ៊ុនថៃ ក្នុងកម្រិត ១.២០០ ពិន្ទុ នឹងក្លាយជាការគាំទ្រដ៏រឹងមាំនៅឆ្នាំនេះ ជាមួយនឹងឱកាសរីកចម្រើននៅឆ្នាំក្រោយ៕
None
