ក្រសួងពាណិជ្ជកម្ម និងឧស្សាហម្មសិង្ហបុរី បានបញ្ជាក់អះអាងថា ការរៀបចំឲ្យមានការចរចាកិច្ចព្រមព្រៀងសេដ្ឋកិច្ចឌីជីថលនេះឡើង គឺដើម្បីសម្រួលដល់ការធ្វើពាណិជ្ជកម្មរវាងប្រទេសទាំងពីរ ជាពិសេសផ្តោតទៅលើពាណិជ្ជកម្មបែបឌីជីថល។ លើសពីនេះកិច្ចព្រមព្រៀងនេះ នឹងបើកឱកាសពាណិជ្ជកម្មថ្មីៗសម្រាប់សិង្ហបុរី និងអង់គ្លេស ក៏ដូចជាសម្រាប់តំបន់ទាំងមូលផងដែរ។
កិច្ចព្រមព្រៀងនេះ នឹងរួមបញ្ចូលគោលការណ៍ឆ្ពោះទៅមុខរួមគ្នា ដើម្បីឱ្យមានលំហូរទិន្នន័យពាណិជ្ជកម្មដែលអាចទុកចិត្តបានពីប្រទេសមួយទៅប្រទេសមួយ ជៀសវាងការរក្សាទុកទិន្នន័យដោយឯកឯង និងធានាបាននូវស្តង់ដារខ្ពស់ក្នុងការការពារសុវត្ថិភាពទិន្នន័យ។
អត្ថបទទាក់ទង
គួរជម្រាបថា សេដ្ឋកិច្ចឌីជីថល គឺដើរតួនាទីសំខាន់ណាស់ ដែលអាចរក្សាភាពធន់នៃសេដ្ឋកិច្ចបាន ទោះបីជាមានការប្រឈមនឹងការរីករាលដាលនៃជំងឺរាតត្បាតកូវីដ-១៩ក៏ដោយ។
ភាគីសិង្ហបុរីបានបង្ហាញពីសុទិដ្ឋិនិយមខ្ពស់លើកិច្ចព្រមព្រៀងសេដ្ឋកិច្ចឌីជីថល ដោយរំពឹងថា វានឹងជួយជំរុញដល់កិច្ចព្រមព្រៀងពាណិជ្ជកម្មសេរីរវាងអង់គ្លេសនឹងសិង្ហបុរី ព្រមទាំងលើកកម្ពស់ការជឿទុកចិត្តក្នុងភាពជាដៃគូររវាងគ្នា ព្រមទាំងធ្វើឲ្យទីផ្សារឌីជីថលកាន់តែរឹងមាំ។
សូមបញ្ជាក់ថា សិង្ហបុរី និងអង់គ្លេសសុទ្ធសឹងតែជាប្រទេសដែលនាំមុខគេលើវិស័យសេដ្ឋកិច្ចឌីជីថល ក្នុងពិភពលោក ស្របពេលដែល ៧០%នៃការសេវាកម្មឌីជីថលរបស់អង់គ្លេស ត្រូវបានលក់ និងផ្តល់មកឲ្យសិង្ហបុរីកាលពីឆ្នាំ២០១៩ ក្នុងទំហំទឹកប្រាក់ជាង ៦ពាន់លានដុល្លារ ដែលក្នុងនោះរួមមាន សេវាកម្មហិរញ្ញវត្ថុ ច្បាប់ ការអប់រំ និងការកម្សាន្ដតាមអ៊ីធើណែតជាដើម៕
None
