បើតាមក្រសួងសុខាភិបាលសិង្ហបុរី បានឱ្យដឹងថា វិធានការរឹតបន្តឹងព្រំដែននេះ នឹងជួយឱ្យប្រទេសរបស់ខ្លួនអាចមានពេលវេលាសិក្សា និងស្វែងយល់អំពីមេរោគបំប្លែងថ្មី អូមីក្រុង និងពង្រឹងការការពាររបស់សិង្ហបុរី រួមទាំងការពង្រឹងសមត្ថភាពថែទាំសុខភាព ក៏ដូចជាជំរុញឲ្យមនុស្សឱ្យកាន់តែច្រើន មកទទួលការចាក់វ៉ាក់សាំង និងចាក់ដូសជំរុញ ។
វិធានការនេះនឹងអនុវត្តចំពោះតែអ្នកដំណើរពីបរទេសដែលទើបតែកក់សំបុត្រថ្មីប៉ុណ្ណោះ ដោយឡែកសម្រាប់អ្នកធ្វើដំណើរ ដែលបានកក់សំបុត្ររួចហើយ ក្រោមគម្រោងធ្វើដំណើរសម្រាប់អ្នកដែលបានវ៉ាក់សាំងរួច នឹងនៅតែអាចចូលប្រទេសសិង្ហបុរីដោយមិនចាំបាច់ធ្វើចត្តាឡីស័កបានដដែល។ ប៉ុន្ដែ ពួកគេត្រូវតែធ្វើតេស្ត PCR នៅពេលមកដល់ និងការធ្វើតេស្តអង់ទីហ្សែនរហ័សជាប្រចាំថ្ងៃ ក្នុងរយៈពេលប្រាំពីរថ្ងៃដំបូង។
ក្រោយការផ្អាកការលក់សំបុត្រយន្ដហោះបញ្ចប់នៅត្រឹមថ្ងៃទី ២០ ខែមករាឆ្នាំ២០២២ ចំនួនមនុស្សដែលត្រូវបានអនុញ្ញាតឱ្យទៅចូលទៅកាន់ប្រទេសសិង្ហបុរីដោយមិនចាំបាច់ធ្វើចត្តាឡីស័កក៏នឹងត្រូវកាត់បន្ថយជាបណ្តោះអាសន្នផងដែរ។
សូមជម្រាបថា រហូតមកដល់ពេលនេះ ប្រទេសសិង្ហបុរីបានរកឃើញករណីមេរោគ អូមីក្រុង
នាំចូលចំនួន ៦៥ ករណីហើយ ខណៈគិតត្រឹមថ្ងៃទី២០ ធ្នូ មានករណីអូមីក្រុង
ក្នុងស្រុកត្រូវបានរកឃើញចំនួន ៦ ករណី។
អត្ថបទគួរអាន
ស្របពេលជាមួយគ្នានេះ បើយោងតាមទិន្នន័យរបស់ក្រសួងសុខាភិបាលសិង្ហបុរី បានឱ្យដឹងថា ប្រជាជនដែលមានសិទ្ធិក្នុងការចាក់វ៉ាក់សាំងនៅក្នុងប្រទេសនេះប្រហែល ៩៦ ភាគរយហើយដែលបានចាក់វ៉ាក់សាំងពេញលេញ ឬប្រហែល ៨៧ ភាគរយ នៃចំនួនប្រជាជនសរុប។ ខណៈច្រើនជាងមួយភាគបីនៃចំនួនប្រជាជនសរុប បានទទួលការចាក់វ៉ាក់សាំងដូសជំរុញ។ តែដោយឡែក ការចាក់វ៉ាក់សាំងបង្ការសម្រាប់កុមារអាយុពី ៥ ទៅ ១១ ឆ្នាំក្នុងប្រទេសនេះ ទើបតែត្រូវបានអនុម័ត ហើយក៏គ្រោងនឹងចាប់ផ្តើមចាក់ជូននៅថ្ងៃច័ន្ទដើមសប្ដាហ៍ក្រោយនេះផងដែរ៕
អត្ថបទ៖ ស៊ើង និមល់
None
