ហេតុអ្វីកសិដ្ឋានចិញ្ចឹមជ្រូកគួរបង្កើតក្រុមហ៊ុន ឬសហគ្រាសចែកចាយសាច់ជ្រូកដោយខ្លួនឯង?
តម្លៃ និងការចិញ្ចឹមជ្រូកនៅកម្ពុជា បានបង្ហាញសញ្ញាវិជ្ជមានគួរឱ្យកត់សម្គាល់នៅមួយរយៈពេលចុងក្រោយនេះ បន្ទាប់ពីរាជរដ្ឋាភិបាលបានសម្រេចផ្អាកការនាំច…
ក្រុមហ៊ុនវិនិយោគបច្ចេកវិទ្យាយក្សជប៉ុន SoftBank Group និងក្រុមហ៊ុនបច្ចេកយក្សអាម៉េរិក OpenAI ដែលជាអ្នកអភិវឌ្ឍកម្មវិធី ChatGPT បានរៀបចំវេទិកាធុរកិច្ចដ៏ធំមួយដែលមានការចូលរួមពីក្រុមហ៊ុនជប៉ុនជាង៥០០ នៅទីក្រុងតូក្យូ ប្រទេសជប៉ុន កាលពីថ្ងៃទី៣ ខែកុម្ភៈ ដោយអញ្ជើញតំណាងមកពីឧស្សាហកម្មជាច្រើនរាប់ចាប់ពីឧស្សាហកម្មដឹកជញ្ជូន ភស្តុភារកម្ម រហូតដល់ឧស្សាហកម្មហិរញ្ញវត្ថុ ដើម្បីឱ្យអ្នកទាំងនោះចែករំលែកទិន្នន័យរបស់ពួកគេក្នុងគោលបំណងប្រមូលទិន្នន័យយកទៅអភិវឌ្ឍ AI ជំនាន់ថ្មី Generative AI សម្រាប់ឧស្សាហកម្ម។
នាយកប្រតិបត្តិក្រុមហ៊ុនយក្សជប៉ុន SoftBank Group លោក ម៉ាសាយ៉ូស៊ី សាន់ (Masayoshi Son) និងនាយកប្រតិបត្តិក្រុមហ៊ុនយក្សអាម៉េរិក OpenAI លោក ស៊ែម អាល់មែន (Sam Altman) គ្រោងចូលជួបសនវាការសម្ដែងការគួរសមជាមួយនាយករដ្ឋមន្ត្រីជប៉ុនលោក ស៊ីហ្គើរូ អ៊ីស៊ីបា (Shigeru Ishiba) នៅល្ងាចថ្ងៃទី៣ ខែកុម្ភៈ នៅវិមានផ្លូវការរបស់នាយករដ្ឋមន្ត្រី។ តាមការរំពឹងទុក គំនិតផ្តួចផ្តើមកសាងហេដ្ឋារចនាសម្ព័ន្ធ AI នេះអាចនឹងត្រូវបានប្រកាសនៅក្នុងជំនួបនោះ។
សូមបញ្ជាក់ថា នាយកប្រតិបត្តិក្រុមហ៊ុនយក្សជប៉ុន SoftBank Group លោក ម៉ាសាយ៉ូស៊ី សាន់ (Masayoshi Son) និងនាយកប្រតិបត្តិក្រុមហ៊ុនយក្សអាម៉េរិក OpenAI លោក ស៊ែម អាល់មែន (Sam Altman) ស្ថិតក្នុងចំណោមធុរជនមួយក្រុមធំ ដែលបានសន្យាបោះទុនវិនិយោគក្នុងទំហំរហូតដល់ទៅ៥០០ពាន់លានដុល្លារអាម៉េរិក លើការកសាងហេដ្ឋារចនាសម្ព័ន្ធ AI ធំបំផុតជាប្រវត្តិសាស្ត្រនៅលើទឹកដីសហរដ្ឋអាម៉េរិកក្នុងរយៈពេល៤ឆ្នាំខាងមុខ នៅក្នុងព្រឹត្តិការណ៍មួយនៅសេតវិមានជាមួយប្រធានាធិបតី ដូណាល់ ត្រាំ កាលពីថ្ងៃទី២១ ខែមករា៕
ដោយ: តែម សុខុម
