ក្នុងលិខិតដាក់ស្នើទៅកាន់នាយករដ្ឋមន្ត្រីថៃ លោកស្រី ថានីវ៉ាន់ កូឡាមង្គល បានរៀបរាប់ពីហេតុផលជាច្រើន ដើម្បីកុំឲ្យរាជរដ្ឋាភិបាលហាមឃាត់ការទទួលទានអាហារនៅក្នុងភោជនីយដ្ឋានក្នុងទីក្រុងបាងកក និងនៅតាមខេត្តមួយចំនួន ដោយហេតុផលចម្បងបំផុត គឺការរឹតត្បិតនេះ នឹងបង្កធ្វើឲ្យប៉ះពាល់កាន់តែខ្លាំងដល់ការងារបុគ្គលិកនៅក្នុងវិស័យនេះ។
ការដាក់ស្នើរបស់សមាគមភោជនីយដ្ឋានថៃ ទៅកាន់នាយករដ្ឋមន្ត្រីថៃនេះ ធ្វើឡើងក្រោយពីមានសំណើមួយស្នើទៅកាន់រដ្ឋាភិបាលដើម្បីដាក់ការរឹតត្បិតលើភោជនីយដ្ឋាននៅក្នុងទីក្រុងបាងកក ក៏ដូចជាការរឹតត្បិតការធ្វើដំណើរចំពោះអ្នករស់នៅខេត្តរ៉ាក់យ៉ង ចន្ថាបុរី និងឈុនបុរី ព្រមទាំងទីក្រុងប៉ាតតាយ៉ាផងដែរ ក្នុងគោលដៅគ្រប់គ្រងការឆ្លងរីករាលដាលកូវីដ-១៩ ដែលកំពុងវាយប្រហារខ្លាំងនៅក្នុងខេត្តមួយចំនួនក្នុងប្រទេសថៃ។
អត្ថបទទាក់ទង!
សូមបញ្ជាក់ថា ការឆ្លងរីករាលដាលកូវីដ-១៩ នៅក្នុងប្រទេសថៃ នៅតែបន្ដកើនឡើង តួយ៉ាង កាលពីថ្ងៃអាទិត្យទី ៣ ខែមករា ឆ្នាំ២០២១ ចំនួនអ្នកឆ្លងកូវីដ-១៩ ថ្មី នៅក្នុងខេត្តសាមុទ្រសាខន មានដល់ទៅ ៥៤១នាក់ ដែលភាគច្រើនគឺជាកម្មករចំណាកស្រុក។ គិតត្រឹមថ្ងៃទី ០៣ ខែមករា ឆ្នាំ២០២១ ចំនួនអ្នកឆ្លងកូវីដ-១៩ សរុបនៅក្នុងប្រទេសថៃ បានកើនឡើងដល់ទៅជាជិត៧ពាន់៧រយនាក់ហើយ ខណៈអ្នកជាសះស្បើយ មានជាង៤ពាន់៤រយនាក់ និងអ្នកស្លាប់មាន ៦៤នាក់៕
None
