ថ្លែងនៅក្នុងកាសែតបាងកកប៉ុស្ដិ៍ លោក ណាថុនផន ជុតទូ រីពីតាក់ ទីប្រឹក្សានាយករដ្ឋមន្រ្តីថៃ បានឲ្យដឹងថា វិធានការនេះ នៅតែត្រូវការជាចាំបាច់ ពីព្រោះវិស័យកសិកម្មនៅតែមានបញ្ហាជាច្រើន ទាក់ទងនឹងកត្តាតម្លៃកសិផល និងគ្រោះមហន្តរាយធម្មជាតិជាដើម។ កត្តាទាំងអស់នេះ ត្រូវបានរាជរដ្ឋាភិបាលថៃមើលឃើញ ជាដើមចមមួយដែលបានធ្វើឲ្យកសិករជំពាក់បំណុលធនាគារ។
តាមរយៈវិធានការនេះ រាជរដ្ឋាភិបាលថៃ អាចនឹងកាត់ការប្រាក់កម្ចីសម្រាប់រយៈពេល ១ឆ្នាំ សម្រាប់កសិករខ្នាតតូច ដែលនឹងចាប់ផ្ដើមនៅចន្លោះពីថ្ងៃទី១ ខែសីហាឆ្នាំនេះ ដល់ថ្ងៃទី៣១ ខែកក្កដាឆ្នាំ ២០១៩ ដោយគ្របដណ្ដប់តែលើទំហំប្រាក់កម្ចីដំបូង ចំនួន ៣០ម៉ឺនបាត ឬស្មើនឹង ៩ពាន់ដុល្លារអាមេរិកប៉ុណ្ណោះ។
រាជរដ្ឋាភិបាលថៃ នឹងជួយបង់ប្រាក់ជំនួស ២,៥% នៃអត្រាការប្រាក់ប្រចាំឆ្នាំ ខណៈដែលខាងធនាគារកសិកម្ម និងសហករណ៍កសិកម្ម ដែលគ្រប់គ្រងដោយរដ្ឋ (BAAC) នឹងជួយ ០,៥% បន្ថែមទៀត ក្នុងមួយឆ្នាំផងដែរ។
កម្មវិធីផ្ដល់ទុនបម្រុងរបស់រដ្ឋនេះ ត្រូវបានគេប៉ាន់ប្រមាណថា មានតម្លៃជាង ១៦ពាន់លានបាត ឬស្មើនឹងប្រមាណ ជាង ៤៨០លានដុល្លារអាមេរិក។
អត្ថបទទាក់ទង!
ធនាគារកសិកម្ម និងសហករណ៍កសិកម្មថៃ (BAAC) បានរាយការណ៍ថា កសិករខ្នាតតូចមានជំពាក់បំណុលធនាគារសរុបមានចំនួន ៦៥០ ពាន់លានបាត ឬស្មើនឹងប្រមាណជិត ២០ពាន់លានដុល្លារអាមេរិក ខណៈដែលរាជរដ្ឋាភិបាលថៃរំពឹងថា កសិករខ្នាតតូច ១០លាននាក់ នឹងមានសិទ្ធិទទួលបានគម្រោងនេះ ដើម្បីដោះស្រាយបំណុលរបស់ពួកគេ ហើយវាក៏ជាដំណោះស្រាយមួយជួយទ្រទ្រង់ ដល់ការលូតលាស់វិស័យកសិកម្មនៅក្នុងប្រទេសថៃផងដែរ។
None
