ក្រុមអ្នកចិញ្ចឹមត្រីអះអាងថា ទីផ្សារត្រីចាប់ផ្ដើមល្អប្រសើរឡើងវិញហើយ និងរំពឹងកើនឡើងថែមទៀតនៅចុងឆ្នាំនេះ
បន្ទាប់ពីរងបញ្ហាទីផ្សារធ្ងន់ធ្ងរនៅអំឡុងពេលកូវីដ១៩រាតត្បាតខ្លាំង បច្ចុប្បន្នទីផ្សារត្រីនៅកម្ពុជា ចាប់ផ្ដើមមានភាពល្អប្រសើរឡើងវិញហើយ ខណៈដែលខាងស…
អ្នកនាំពាក្យរដ្ឋាភិបាលថៃលោក Thanakorn បាននិយាយថា លោកបានពិភាក្សាលើបញ្ហាជាច្រើន រួមទាំងការលើកកម្ពស់សន្តិសុខស្បៀង ដើម្បីបង្កើនតម្លៃកសិផល និង ការពង្រឹងកិច្ចសហប្រតិបត្តិការកសិកម្មរវាងប្រទេសវៀតណាម។
លោក Thanakorn បានអះអាងថា ការពិភាក្សានេះគឺមានគោលបំណងឱ្យប្រទេសនាំចេញអង្ករធំៗទាំងពីរនេះដំឡើងតម្លៃអង្ក ដើម្បីបង្កើនប្រាក់ចំណូលរបស់កសិករ និង ជំរុញអំណាចចរចារបស់ពួកគេនៅក្នុងទីផ្សារពិភពលោក បន្ទាប់ពីអង្ករបានធ្លាក់ចុះតម្លៃទាបអស់រយៈពេលជាង ២០ ឆ្នាំចុងក្រោយនេះ។
លោកបានបន្ថែមថា ប្រទេសទាំងពីរក៏បានគិតគូរបង្កើនកិច្ចសហប្រតិបត្តិការលើការដឹកជញ្ជូនកសិកម្ម ដើម្បីធានាការដឹកជញ្ជូនប្រកបដោយសុវត្ថិភាពនៃផលិតផលដែលងាយរងផលប៉ះពាល់អំឡុងពេលដឹកជញ្ជូននៅតាមផ្លូវគោក និង តាមផ្លូវសមុទ្ររវាងប្រទេសថៃ ឡាវ និងវៀតណាម ទៅកាន់ប្រទេសចិន និងប្រទេសដទៃទៀតផងដែរ។
លោកបានបន្ថែមថា នាយករដ្ឋមន្ត្រីថៃ Prayut Chan-o-cha បានណែនាំភ្នាក់ងារពាក់ព័ន្ធឱ្យបង្កើនកិច្ចខិតខំប្រឹងប្រែង ដើម្បីជំរុញការនាំចេញអង្កររបស់ថៃ ស្របពេលដែលជំងឺរាតត្បាតកូវីដ១៩ ធូរស្រាលនោះ គេឃើញថា ការនាំចេញអង្កររបស់ប្រទេសថៃកំពុងទទួលបានអត្ថប្រយោជន៍ពីការងើបឡើងវិញនៃតម្រូវការពិភពលោក។ ម្យ៉ាងទៀត ការធ្លាក់ចុះនៃប្រាក់បាតកំពុងធ្វើឱ្យតម្លៃផលិតផលកាន់តែមានភាពប្រកួតប្រជែង។
លោក Alongkorn Ponlaboot ទីប្រឹក្សារដ្ឋមន្ត្រីក្រសួងកសិកម្ម និង សហករណ៍បាននិយាយថា តម្លៃអង្ករនៅលើទីផ្សារពិភពលោកមានកម្រិតទាបក្នុងរង្វង់ ៣០០ ដុល្លារ ទៅ ៤០០ ដុល្លារអាមេរិក ក្នុងមួយតោនអស់រយៈពេលជាង ២០ ឆ្នាំមកហើយ ខណៈដែលតម្លៃផលិតកម្មបានបន្តកើនឡើង។
លោក Alongkorn បាននិយាយថា ប្រសិនបើប្រទេសថៃ និង វៀតណាម ដែលជាប្រទេសនាំចេញអង្ករដ៏ធំរបស់ពិភពលោក ធ្វើការរួមគ្នា ដើម្បីដំឡើងតម្លៃអង្ករ ពួកគេនឹងមានអំណាចចរចាបន្ថែមទៀត ដើម្បីគ្រប់គ្រងពាណិជ្ជកម្មអង្ករពិភពលោក ហើយកសិករអង្កររបស់ពួកគេនឹងរកប្រាក់ចំណូលបានកាន់តែច្រើន។
យ៉ាងណាម៉េញ លោក Chookiat Ophaswongse ប្រធានកិត្តិយសនៃសមាគមអ្នកនាំចេញអង្ករថៃបានបដិសេធចំពោះវិធានការនេះ ដោយបាននិយាយថា ការនាំចេញអង្ករគឺជាពាណិជ្ជកម្មសេរីដែលពាក់ព័ន្ធនឹងការប្រកួតប្រជែងជាសកល ហើយមិនគួរព្យាយាមដំឡើងតម្លៃនោះទេ ខណៈឥណ្ឌាក៏ជាប្រទេសនាំចេញអង្ករធំមួយទៅកាន់ទីផ្សារសកលជាង ២០លានតោនក្នុងមួយឆ្នាំៗ បើធៀបនឹងប្រទេស ថៃ និង វៀតណាម មានការនាំចេញបានត្រឹមតែជាង ៦ លោនតោនប៉ុណ្ណោះ។
លោក Chookiat បានព្រមានថា ប្រសិនបើថៃ និងវៀតណាម រួមគ្នាដំឡើងថ្លៃអង្ករ តើនឹងមានអ្វីកើតឡើង ប្រសិនបើប្រទេសផ្សេងទៀតជ្រើសរើសទិញអង្ករពីឥណ្ឌា និង អ្នកនាំចេញអង្ករផ្សេងទៀត ដូចជាកម្ពុជា មីយ៉ាន់ម៉ា និងប៉ាគីស្ថាននោះ៕
None
