យ៉ាងណាក៏ដោយចុះ រដ្ឋាភិបាលចិន ប្រកាន់ជំហររឹងមាំប្រឆាំងនឹងវិធានការថ្មីរបស់អាមេរិកនេះ ព្រោះប៉ះពាល់ដល់សិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន។
អាមេរិក បានគ្រោងនឹងដាក់វិធានការគ្រប់គ្រងថ្មី ទៅលើ ក្រុមហ៊ុនផលិតឧបករណ៍បច្ចេកវិទ្យា ដែលបានប្រើប្រាស់បច្ចេកវិទ្យា និងកម្មវិធីរចនាបន្ទះឈីបរបស់អាមេរិក បើសិនជាពួកគេចង់នាំចេញ ត្រូវមានការអនុញ្ញាតពី រដ្ឋាភិបាលអាមេរិកជាមុនសិន ហើយវិធានការថ្មីនេះ ត្រូវបានចាត់ទុកថា ជាសកម្មភាពប្រឆាំងនឹងក្រុមហ៊ុន Huawei ដែលអាមេរិកបានចាត់ទុកជាបញ្ហាសន្តិសុខជាតិ។
លេខាធិការក្រសួងពាណិជ្ជកម្មអាមេរិក បានគូសបញ្ជាក់ថា ក្រុមហ៊ុន HAUWEI បានធ្វើឲ្យប៉ះពាល់ដល់ការគ្រប់គ្រងការនាំចេញកាលពីពេលមុនៗ ដូច្នេះហើយ អាមេរិកត្រូវបានកែប្រែច្បាប់ ដែលឈ្លានពានដោយក្រុមហ៊ុន HUAWEI ព្រោះវាមានសកម្មភាពផ្ទុយពីសន្តិសុខជាតិអាមេរិក និងផលប្រយោជន៍នយោបាយការណ៍បទេស។
អត្ថបទទាក់ទង!
យ៉ាងណាក៏ដោយចុះ ក្រុមហ៊ុន HUAWEI បានចេញសេចក្តីថ្លែងការណ៍បញ្ជាក់ឲ្យដឹងថា ការរឹតបន្តឹងដោយផ្តោតទៅលើក្រុមហ៊ុន HUAWEI នឹងជះឥទ្ធិពលអវិជ្ជមានដល់ វិស័យបច្ចេកវិទ្យាទូទាំងសកលលោក។ ទោះយ៉ាងណាក៏ដោយ ក្រុមហ៊ុនបញ្ជាក់ថា នឹងព្យាយាមស្វែងរកដំណោះស្រាយ។
នៅពេលដែល ការរឹតបន្តឹងលើការនាំចេញរបស់អាមេរិក ត្រូវបានអនុវត្តជាផ្លូវការ វានឹងប៉ះពាល់ដល់ ប្រតិបត្តិការរបស់បណ្តាញផ្សាភ្ជាប់ជាមួយផលិតផល HUAWEI នៅច្រើនជាង ១៧០ប្រទេស ហើយនឹងបន្តប៉ះពាល់ដល់ទំនាក់ទំនងរបស់ប្រជាពលរដ្ឋជាង ៣ពាន់លាននាក់ ដែលកំពុងប្រើប្រាស់ផលិតផល និងសេវាកម្មរបស់ HUAWEI។
គួរបញ្ជាក់ថា ក្រសួងពាណិជ្ជកម្មចិន ក៏បានប្រឆាំងនឹងវិធានការថ្មីរបស់អាមេរិកនេះ ព្រោះអាមេរិក បានប្រើអំណាចរដ្ឋដាក់សម្ពាធ និងប្រឆាំងនឹងក្រុមហ៊ុនបរទេស ដែលការរំលោភបំពានគោលការណ៍ទីផ្សារអន្តរជាតិ និងការប្រកួតប្រជែងដោយយុត្តិធម៌ ជាពិសេសគឺប៉ះពាល់ដល់ វិស័យបច្ចេកវិទ្យាសកល និងខ្សែច្រវាក់ផ្គត់ផ្គង់ទូទាំងសកលលោកផងដែរ៕
None
