Advertisement
Advertisement
សង្គ្រាមពាណិជ្ជកម្ម​អាមេរិក-ចិន

អាមេរិក និងចិន នឹងត្រួតពិនិត្យកិច្ចព្រមព្រៀងពាណិជ្ជកម្មដំណាក់កាលទី ១ ឡើងវិញ


នៅពាក់កណ្តាលខែសីហានេះមន្រ្តីជាន់ខ្ពស់តំណាងឲ្យភាគីអាមេរិក និងភាគីចិន នឹងធ្វើកិច្ចប្រជុំមួយ ដើម្បីត្រួតពិនិត្យឡើងវិញនូវ ការអនុវត្តកិច្ចព្រមព្រៀងដំណាក់កាលទី ១ ដោយក្នុងនោះ ក៏មានគម្រោងនឹងធ្វើការផ្សព្វផ្សាយផ្ទាល់នៅក្នុងសន្និសីទវីដេអូ បង្ហាញពី ភាពមិនពេញចិត្តដែលបានកើតឡើងនៅក្នុងទំនាក់ទំនង ដែលកាន់តែតានតឹងឡើងនាពេលបច្ចុប្បន្ននេះ។ នេះបើយោងតាម សារព័ត៌មាន Reuters ចេញផ្សាយនៅក្នុងថ្ងៃនេះ។
ប្រធានាធិបតីចិន (ឆ្វេង) និងប្រធានាធិបតីអាមេរិក (ស្ដាំ) (http://www.sundaynews.co.zw)
ដោយ
Advertisement

បើតាម អ្នកពាក់ព័ន្ធ​នឹងគម្រោង​ខាងលើ ដែលសុំ​មិន​បញ្ចេញឈ្មោះ បានបញ្ជាក់​ប្រាប់ដល់ សារព័ត៌មាន​ Reuters ថា តំណាង​ចរចា​ពាណិជ្ជកម្ម​អាមេរិក លោក រ៉ូបឺត ឡៃធីសឺ និងឧបនាយករដ្ឋមន្រ្តី​ចិន លោក លូ ហេ នឹងដើរ​តួជា​អ្នកចរចា តំណាង​ឲ្យប្រទេស​ទាំងពីរ នៅក្នុង​ការត្រួត​ពិនិត្យ​ការអនុវត្ត ក្នុងរយៈពេល ៦ខែកន្លងមកនេះ ​គិតចាប់​ពីថ្ងៃទី ១៥ ខែកុម្ភៈ ដែល​កិច្ចព្រម​ព្រៀង​ពាណិជ្ជកម្ម​នេះចូល​ជាធរមាន។

នៅក្រោមកិច្ច​ព្រមព្រៀង​ពាណិជ្ជកម្ម​ដំណាក់កាល​ទី ១ ចិន បាន​សន្យាថា នឹង​ជំរុញ​ការទិញ​ទំនិញ​ពី​អាមេរិក ជាង ២០០ពាន់​លាន​ដុល្លារ​អាមេរិក រាប់បញ្ចូល​ទាំង ផលិតផល​កសិកម្ម និង​ឧស្សាហកម្ម ថាមពល និងសេវាកម្ម តែយ៉ាងណា​ក៏ដោយ ដោយសារតែ​ការចុះអន់​ខ្សោយ​នៃសេដ្ឋកិច្ច​សកលលោក ដែលកំពុង​រងគ្រោះ​ដោយវិបត្តិ​កូវីដ-១៩នោះ ចិន ស្ថិតនៅឆ្ងាយ​ពីគោលដៅ ដែលគ្រោង​នឹងទិញ​ទំនិញ​អាមេរិក ៧៧ពាន់​លានដុល្លារ នៅក្នុងឆ្នាំទី ១នេះ។

ការទិញទំនិញ​កសិកម្មពី អាមេរិកស្ថិត​នៅក្នុង​កម្រិតទាប​ណាស់ ឆ្ងាយពី​គោលដៅ ៣៦ពាន់​លាន​ដុល្លារ​អាមេរិក សម្រាប់ឆ្នាំ​២០២០នេះ ហើយសូម្បី​តែ​វិស័យ​ថាមពល ចិន ទើបតែ​ទិញបាន​ ៥% នៃថាមពល​សរុប ដែលបាន​កំណត់​គោលដៅ ២៥ពាន់​លាន​ដុល្លារ​អាមេរិក​នោះ។

យ៉ាងណាក៏ដោយ ប្រភពដដែល បានបញ្ជាក់ថា ភាគីចិន​មានបំណង​ជជែកពី​បញ្ហាផ្សេងៗ ក្រៅពី​ការអនុវត្ត​កិច្ចព្រមព្រៀង​ដំណាក់កាល​ទី ១នេះ។

ឯកអគ្គរដ្ឋទូត​ចិន​ប្រចាំ​នៅអាមេរិក បានលើក​ឡើងដែរថា ជាធម្មតា​គម្រោង​សម្រាប់​កិច្ចប្រជុំ និងពិភាក្សា​ប្រចាំ​ឆមាស គឺមាន​ស្រាប់​ទៅហើយ ហើយលោក​រំពឹងថា វានឹងមាន​លទ្ធផល​វិជ្ជមាន​សម្រាប់​ប្រទេសទាំងពីរ។

គួររម្លឹកបន្តិចថា ប្រធានាធិបតី​អាមេរិក លោក ដូណាល់ ត្រាំ ធ្លាប់គំរាម​បញ្ចប់​កិច្ចព្រម​ព្រៀង​ពាណិជ្ជកម្ម ដោយហេតុផល​អះអាងថា ចិន មិនគ្រប់គ្រង​បញ្ហា​មេរោគ​កូវីដ-១៩ ដែលកើត​មាន​ឡើង​នៅក្នុង​ទីក្រុងវូហាន និងធ្វើឲ្យ​រីករាលដាល​ដល់​ប្រទេស​ដទៃ និងមាន​ជម្លោះ​ជាច្រើន​ទៀត រវាង​ប្រទេស​ទាំងពីរ ជាពិសេស​នៅក្នុង​វិស័យ​បច្ចេកវិទ្យា​ព័ត៌មាន​នាពេល​ចុងក្រោយ​នេះ៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ADB ឲ្យថៃខ្ចីប្រាក់ ១,៥ពាន់លានដុល្លារដើម្បីជំរុញ និងស្តារសេដ្ឋកិច្ចឡើងវិញ

ព័ត៌មាន
គណៈរដ្ឋមន្រ្តីថៃ បានសម្រេចអនុម័តលើសំណើរបស់ ក្រសួងហិរញ្ញវត្ថុ ក្នុងការខ្ចីប្រាក់ ១,៥ ពាន់លានដុល្លារអាមេរិកពី ធនាគារអភិវឌ្ឍន៍អាស៊ី (ADB)...

អតិរេកពាណិជ្ជកម្មរបស់វៀតណាម កើនឡើង ៣ដង នៅ៧ខែឆ្នាំ២០២០

ព័ត៌មាន
នៅក្នុងរយៈពេល ៧ខែ ដើមឆ្នាំ២០២០នេះ ទំហំអតិរេកពាណិជ្ជកម្មរបស់ប្រទេសវៀតណាម សម្រេចបានជាង ៦,៤ពាន់លានដុល្លារអាមេរិក ដែលមានកំណើនដល់ទៅ ៣២...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ