ធ្វើការរិះគន់ការរៀបចំកម្មវិធីរបស់ចិន។
ការចោទប្រកាន់នេះត្រូវបានធ្វើឡើង តែមួយសប្តាហ៍ប៉ុណ្ណោះ មុនពេលការប្រកួតកីឡាអូឡាំពិករដូវរងានឹងត្រូវចាប់ផ្តើមឡើង ចំពេលមានភាពតានតឹងរវាងប្រទេសមហាអំណាចទាំងពីរ រួមមានការធ្វើពហិការការទូតចំពោះព្រឹត្តិការណ៍កីឡាអូឡាំពិក ដោយសហរដ្ឋអាមេរិកនិងសម្ព័ន្ធមិត្តអាមេរិកជាដើម។
នៅពេលសួរនាំអំពីការចោទប្រកាន់ពីសំណាកប្រទេសចិន ស្ថានទូតអាមេរិកប្រចាំនៅទីក្រុងប៉េកាំងកាលពីថ្ងៃសៅរ៍ បានរំលឹកឡើងវិញនូវជំហរដែលធ្លាប់អះអាងពីមុនថា រដ្ឋាភិបាលក្រុងវ៉ាស៊ីនតោនមិនដឹងមិនឭអ្វីទាំងអស់ពីដំណើរការរៀបចំការចូលរួមប្រកួត ព្រោះអាមេរិកបានធ្វើពហិការកាទូតរួចហើយ។
ដោយឡែក កាសែត China Daily ដែលជាកាសែតគ្រប់គ្រងដោយរដ្ឋចិន ផ្សាយជាភាសាអង់គ្លេស កាលពីល្ងាចថ្ងៃសុក្រសប្តាហ៍មុន បានដកស្រង់ប្រភពដែលមិនបញ្ចេញឈ្មោះដោយនិយាយថា សហរដ្ឋអាមេរិកមានផែនការ ញុះញង់អត្តពលិកមកពីប្រទេសផ្សេងៗឱ្យសម្តែងការមិនសប្បាយចិត្តរបស់ពួកគេចំពោះការរៀបចំរបស់ប្រទេសចិន និងថែមទាំងបានញុះញុងឲ្យគេបដិសេធមិនចូលរួមប្រកួតទៀតផង។ ជាការតបស្នងវិញ ប្រភពដដែលបាននិយាយថា វ៉ាស៊ីនតោននឹងផ្តល់សំណងជាប្រាក់យ៉ាងច្រើន និងជួយការពារកេរ្តិ៍ឈ្មោះរបស់អត្តពលិកណាដែលព្រមធ្វើតាមខ្លួនថែមទៀតផង។
អត្ថបទគួរអាន
នៅពេលសួរថា តើក្រសួងការបរទេសចិនជឿថា ការចោទប្រកាន់នេះត្រឹមត្រូវ ឬយ៉ាងណា? អ្នកនាំពាក្យក្រសួងការបរទេសចិនបានប្រាប់រ៉យទ័រថា ការចុះផ្សាយរបស់ China Daily បានលាតត្រដាងពីចេតនាពិតប្រាកដរបស់អាមេរិក ក្នុងការបម្រើឲ្យផលប្រយោជន៍នយោបាយ និងដើម្បីបំផ្លិចបំផ្លាញ ជ្រៀតជ្រែកកីឡាអូឡាំពិករដូវរងានៅទីក្រុងប៉េកាំង។ ប៉េកាំងសុំធ្វើការថ្កោលទោសយ៉ាងដាច់អហង្ការ ចំពោះការប៉ុនប៉ងនេះ។
សូមជម្រាបថា កីឡាអូឡាំរដូវរងាឆ្នាំ២០២២ ដែលចិនទទួលរៀបចំជាម្ចាស់ផ្ទះនឹងចាប់ផ្តើម ពីថ្ងៃទី០៤ដល់ថ្ងៃទី២០កុម្ភៈ ឆ្នាំ២០២២ នាទីក្រុងប៉េកាំង ដែលមានការចូលរួមពីអត្តពលិក ជិត៣ពាន់នាក់ មកពី៩១ប្រទេស៕
None
