ធនាគារកណ្តាលអាមេរិក កាលពីឆ្នាំ ២០១៩ បានកាត់បន្ថយអត្រាការប្រាក់ ៣ដង ដែលធ្វើឲ្យការខ្ចីបំណុលទិញអចលនទ្រព្យ ដោយដាក់ទ្រព្យបញ្ចាំ កាន់តែផ្ទុះឡើង ដោយសារតែវាមានតម្លៃការប្រាក់ទាប ហើយវាបានក្លាយជាកត្តាចម្បង ក្នុងការរុញច្រានបំណុលរបស់ប្រជាពលរដ្ឋអាមេរិក ក្នុងឆ្នាំ ២០១៩ ឲ្យកើនឡើង ៦០០ពាន់លានដុល្លារអាមេរិក ធៀបនឹងឆ្នាំ២០១៨។
កម្ចីទិញអចលនទ្រព្យ ដោយដាក់ទ្រព្យបញ្ចាំ របស់ប្រជាពលរដ្ឋអាមេរិក បានកើនដល់ ៩,៥ ទ្រីលានដុល្លារអាមេរិក ជាតួលេខខ្ពស់ជាងគេបង្អស់ ក្នុងចំណោមប្រភេទបំណុល។
ដោយសារតែ ភាពអត់ការងារធ្វើ នៅក្នុងសហរដ្ឋអាមេរិក ស្ថិតក្នុងអត្រាទាប ដូច្នេះ ប្រជាពលរដ្ឋអាមេរិក ត្រូវបានលើកទឹកចិត្តឲ្យចំណាយច្រើន ដែលធ្វើឲ្យ បំណុលកាតឥណទាន កើនដល់ ០,៩ ទ្រីលានដុល្លារអាមេរិក។
អត្ថបទទាក់ទង!
ដោយឡែក បំណុលដែលកើតឡើងដោយកម្ចីសម្រាប់និស្សិត បានកើនដល់ ១,៥ ទ្រីលានដុល្លារអាមេរិក ក្នុងឆ្នាំ ២០១៩ ដែលកើនឡើង ៥១ពាន់លានដុល្លារអាមេរិក ធៀបនឹងឆ្នាំ ២០១៨។
យ៉ាងណាក៏ដោយ ការបំពានច្បាប់ភាគច្រើនកើតឡើង នៅក្នុងបំណុលកាតឥណទាន បំណុលនិស្សិត និងបំណុលទិញយានយន្ត ដែលអ្នកខ្ចីភាគច្រើនជាយុវជនវ័យក្មេង ដែលពិបាកនឹងសងត្រលប់ និងពុំសូវទទួលបានអត្ថប្រយោជន៍ពី សេដ្ឋកិច្ចដ៏ខ្លាំងក្លារបស់អាមេរិកនោះឡើយ៕None
