ធនាគារអន្តរជាតិ រួមមាន Woori Bank និង KEB Hana Bank របស់ប្រទេសសកូរ៉េខាងត្បូង និង ធនាគារ ICBC របស់ប្រទេសចិន បានចូលរួមក្នុងពិធីចុះហត្ថលេខានេះ។ ក្រុមហ៊ុនអាកាសចរណ៍ Vietjet ក៏បានឈានដល់ការព្រមព្រៀងលើការគាំទ្រហិរញ្ញវត្ថុឥណទានជាមួយនឹងធនាគារ Woori ផងដែរ ដែលបានដើរតួនាទីដ៏សំខាន់ក្នុងពិធីចុះហត្ថលេខានេះ ពោលគឺដើរតួក្នុងនាមជាអ្នកសម្របសម្រួលលើការរៀបចំកម្ចីរួមបញ្ចូលគ្នាតែមួយនេះ។
កម្ចីរួមបញ្ចូលគ្នាតែមួយនេះ មានទឹកប្រាក់សរុបចំនួន ១៤០លានដុល្លារអាមេរិក ហើយក្រុមហ៊ុនអាកាសចរណ៍ Vietjet កំពុងគ្រោងស្នើសុំកម្ចីក្នុងទឹកប្រាក់ ១០០លានដុល្លារបន្ថែមទៀត ក្នុងកិច្ចសហប្រតិបត្តិការជាមួយនឹងធនាគារអន្តរជាតិមួយផ្សេងទៀត ក្នុងពេលឆាប់ៗនេះ។
កិច្ចព្រមព្រៀងឥណទានទាំងនេះ នឹងជួយបង្កើនប្រភពទុនជារូបិយប័ណ្ណអន្តរជាតិ រយៈពេលមធ្យម និងវែង របស់ក្រុមហ៊ុន Vietjet ដើម្បីឆ្លើយតបទៅនឹងតម្រូវការនៃការបង្កើនចំនួនយន្តហោះទំនើបៗរបស់ខ្លួន។
អត្ថបទទាក់ទង
Vietjet គឺជាក្រុមហ៊ុនអាកាសចរណ៍ឈានមុខគេលើទីផ្សារក្នុងស្រុក និងបន្តពង្រឹងទីតាំងរបស់ខ្លួនលើទីផ្សារអន្តរជាតិឥតឈប់ឈរ។ ក្នុងរយៈពេល៥ឆ្នាំចុងក្រោយនេះ ប្រាក់ចំណូល និងប្រាក់ចំណេញដុលរបស់ Vietjet បានកើនឡើងក្នុងអត្រាជាមធ្យមចំនួន ៥០%។
បើយោងទៅតាមអង្គភាពអង្កេតក្នុងវិស័យអាកាសចរណ៍ AirFinance Journal ក្រុមហ៊ុន Vietjet ទទួលបានពិន្ទុ BBB និងបានឈរក្នុងចំណាត់ថ្នាក់ក្នុងនាមជាក្រុមហ៊ុនអាកាសចរណ៍កំពូលទាំង៥០ក្នុងពិភពលោក សម្រាប់ភាពរឹងមាំផ្នែកហិរញ្ញប្បទាន ក្នុងរយៈពេល២ឆ្នាំជាប់ៗគ្នា នៅឆ្នាំ២០១៩នេះ។
អត្រាប្រាក់ចំណេញរបស់ Vietjet ត្រូវបានចាត់ថ្នាក់ក្នុងកម្រិត A ដោយអង្គភាព AirFinance ដែលនាំឲ្យ Vietjet ស្ថិតក្នុងចំណោមក្រុមហ៊ុនអាកាសចរណ៍កំពូលទាំង៣ក្នុងពិភពលោក។
សមាមាត្រសាច់ប្រាក់បច្ចុប្បន្នស្ថិតក្នុងកម្រិត ១,៣ សមាមាត្ររវាងបំណុល និងភាគលាភ ស្ថិតក្នុងកម្រិត ០,៦ ក្នុងនោះ ភាគលាភមានចំនួនទឹកប្រាក់ ៦៤០លានដុល្លារអាមេរិក ហើយទ្រព្យសម្បត្តិមានចំនួនជាទឹកប្រាក២ពាន់លានដុល្លារ។
កាលពីថ្ងៃទី១៤ ខែវិច្ឆិកា Vietjet ក៏ទទួលបានពានរង្វាន់ក្នុងនាមជាក្រុមហ៊ុនអាកាសចរណ៍គិតថ្លៃសេវាទាបក្នុងតំបន់អាស៊ីប៉ាស៊ីហ្វិក ប្រចាំឆ្នាំ២០១៩ (Asia Pacific LCC Airline of the Year) ដោយមជ្ឈមណ្ឌលសម្រាប់អាកាសចរណ៍អាស៊ី-ប៉ាស៊ីហ្វិកហៅកាត់ថា CAPA ផងដែរ៕
