របាយការណ៍ដដែលបានគូសបញ្ជាក់ទៀតថា វិធានរក្សាគម្លាតសង្គម និងការរឹតបន្តឹងលើ ការបើកដំណើរការអាជីវកម្មអំឡុងពេលវិបត្តិកូវីដ-១៩នេះ បានជំរុញឲ្យប្រជាពលរដ្ឋវៀតណាម ទិញទំនិញតាមអនឡាញ ដែលមានលក្ខណៈងាយស្រួល និងមានសុវត្ថិភាពខ្ពស់ កាត់បន្ថយហានិភ័យនៃការឆ្លងមេរោគកូវីដ-១៩។
ក្រុមហ៊ុនពាណិជ្ជកម្មអនឡាញជាច្រើន អាចរក្សាបុគ្គលិករបស់ពួកគេ អំឡុងពេលមានបញ្ហានេះ ហើយគ្រោងនឹងជ្រើសរើសបន្ថែមទៀត នៅក្នុងឆមាសទី ២ ឆ្នាំនេះ ដោយសារតែពួកគេ មើលឃើញពីសន្ទុះកើនឡើងនៃតម្រូវការទិញទំនិញតាមប្រព័ន្ធអនឡាញ។
អត្ថបទទាក់ទង!
បើតាមការស្ទង់មតិរបស់ សមាគមពាណិជ្ជកម្មអេឡិចត្រូនិកវៀតណាម ជាមួយក្រុមហ៊ុនចំនួន ៤ពាន់ក្រុមហ៊ុន បានរកឃើញថា មាន ៤០% នៃក្រុមហ៊ុនសរុប ដែលបានប្រើប្រាស់បច្ចេកវិទ្យាអនឡាញ កាលពីឆ្នាំ ២០១៩ ក្នុងនោះ ការប្រើប្រាស់បណ្តាញសង្គមនានា គឺមានប្រសិទ្ធិភាពខ្ពស់ជាងគេ ខ្ពស់ជាងការផ្ញើសារតាមទូរស័ព្ទ ឬផ្សព្វផ្សាយតាមទស្សនាវដ្តីអនឡាញជាដើម។
លើសពីនេះទៅទៀត អាជីវកម្មជាច្រើន ក៏កំពុងតែសម្លឹងមើលទៅលើ ការទិញទំនិញតាមទូរស័ព្ទដៃដ៏មានសក្តានុពល ក្នុងនោះ ក្រុមហ៊ុនជាង ៥០% បានអនុញ្ញាតឲ្យអតិថិជន អាចបង់ប្រាក់តាមទូរស័ព្ទដៃផងដែរ។
គួរបញ្ជាក់ថា កាលពីឆ្នាំ ២០១៩កន្លងទៅ ទីផ្សារពាណិជ្ជកម្មអនឡាញរបស់ វៀតណាម សម្រេចបានទឹកប្រាក់ជាង ១១ពាន់ ៥រយលានដុល្លារអាមេរិក មានកំណើនជាង ៣២%ធៀបនឹងឆ្នាំ ២០១៨៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
