ក្រុមហ៊ុននាំចេញអង្ករវៀតណាម Loc Troi Group JSC ប្រមូលបានប្រាក់ចំណូលច្រើនបំផុតមិនធ្លាប់មានជាង ៤៤៣ លានដុល្លារ កើនឡើង ៣៦ ភាគរយធៀបទៅនឹងឆ្នាំ២០២០ និងប្រាក់ចំណេញក្រោយបង់ពន្ធរួចជាង ១៨លានដុល្លារ កើនឡើង ១៤ ភាគរយ។ ដោយឡែក ក្រុមហ៊ុន Vietnam National Seed Group JSC រកចំណូលបានជាង ៨៤លានដុល្លារ កើនឡើង ១៨ភាគរយ និងប្រាក់ចំណេញក្រោយបង់ពន្ធជិត ១០ លានដុល្លារ កើនឡើង ១៦ភាគរយ។
បើយោងតាមអគ្គនាយកដ្ឋានគយវៀតណាម បានឱ្យដឹងថា វៀតណាមបាននាំចេញអង្ករជាង ៦ លាន ២សែន តោន មានតម្លៃសរុបជាង ៣ ពាន់លានដុល្លារកាលពីឆ្នាំ២០២១។ ហើយក្រៅតែពីការនាំចេញអង្ករទៅក្រៅប្រទេសមានការកើនឡើងហើយនោះ ការលក់អង្ករក្នុងស្រុកក្នុងប្រទេសវិញក៏បានកើនឡើងដូចគ្នាផងដែរកាលពីឆ្នាំមុននេះ។
អត្ថបទគួរអាន
យោងតាមក្រសួងកសិកម្ម និងអភិវឌ្ឍន៍ជនបទបានឱ្យដឹងថា តម្លៃនាំចេញជាមធ្យមរបស់អង្ករវៀតណាមបានកើនឡើង ៥,៥ ភាគរយធៀបនឹងឆ្នាំ ២០២០ មានដល់ជិត ៥២៧ ដុល្លារក្នុងមួយតោនក្នុងឆ្នាំ ២០២១ ។
សូមជម្រាបថា សមាគមស្បៀងអាហារវៀតណាមបានព្យាករណ៍ថា ក្នុងខែមករាប្រទេសវៀតណាមដែលបាននាំចេញអង្ករចំនួនជាង ៥សែនតោនមានតម្លៃ ២៤៦ លានដុល្លារ ហើយរំពឹងថានឹងអាចនាំចេញអង្ករលើសពី ៦ លានតោនក្នុងឆ្នាំ២០២២នេះ។ ទោះជាយ៉ាងណាក៏ដោយចុះ ការកើនឡើងយ៉ាងខ្លាំងនៃតម្លៃសម្ភារៈកសិកម្ម ជាពិសេសជីកសិកម្ម ក៏នឹងធ្វើឱ្យថ្លៃដើមកើនឡើង ក៏នឹងកាត់បន្ថយប្រាក់ចំណេញរបស់កសិករផងដែរ៕
អត្ថបទ ស៊ើង និមល់
None
