ក្រដាសប្រាក់២ដុល្លារ ដែលមានព្រីនរូបនាគមាសកំពុងមានហាងឆេងខ្ពស់នៅវៀតណាម
ព័ត៌មាន
•
ពលរដ្ឋវៀតណាម កំពុងផ្អើលនាំគ្នាទិញក្រដាសប្រាក់២ដុល្លារ ដែលមានព្រីនរូបនាគពណ៌មាស និងមានលេខរៀងក្រដាសប្រាក់ (Serial Number) “៩៩៩៩” ក្នុងតម្ល…
បើតាមការចេញផ្សាយរបស់សារព័ត៌មាន យូរ៉ូញូស (Euronews) បានឱ្យដឹងថា លោក ប៊ែរណាដ អាណូល (Bernard Arnault) ប្រធានក្រុមហ៊ុនទំនិញប៊្រែនប្រណីត LVMH របស់បារាំង បានវ៉ាឈ្នះលោក Elon Musk ប្រធានក្រុមហ៊ុនរថយន្តអាម៉េរិក Tesla ក្លាយបុគ្គលដែលមានទ្រព្យសម្បត្តិច្រើនជាងគេបំផុតនៅលើពិភពលោក។
ទ្រព្យសម្បត្តិសុទ្ធរបស់លោក ប៊ែរណាដ អាណូល (Bernard Arnault) នៅពេលនេះមានរហូតដល់ទៅប្រមាណ២០៧,៦ពាន់លានដុល្លារ ខណៈដែលទ្រព្យសម្បត្តិរបស់លោក Elon Musk វិញមានប្រមាណ២០៤,៧ពាន់លានដុល្លារ។ នេះបើយោងតាមបញ្ជីឈ្មោះបច្ចុប្បន្នភាពនៃកំពូលមហាសេដ្ឋីដែលចេញផ្សាយដោយទស្សនាវដ្ដី ហ្វបស៍ (Forbes)។
ទ្រព្យសម្បត្តិរបស់លោក ប៊ែរណាដ អាណូល (Bernard Arnault) បានកើនឡើងខ្លាំងយ៉ាងឆាប់រហ័សកាលពីសប្តាហ៍មុន ដោយទ្រព្យសម្បត្តិសុទ្ធរបស់លោកបានកើនឡើងដល់ទៅ២២,៧ពាន់លានដុល្លារ ក្នុងពេលត្រឹមតែមួយថ្ងៃកាលពីថ្ងៃសុក្រសប្ដាហ៍មុន ដោយកើនឡើង១២,៣%។ ផ្ទុយទៅវិញ ទ្រព្យសម្បត្តិរបស់លោក Elon Musk បានធ្លាក់ចុះដល់ទៅ១៨ពាន់លានដុល្លារ ឬ ៨,១%នៅមួយថ្ងៃមុននោះ។
ក្រុមហ៊ុន LVMH ដែលជាក្រុមហ៊ុនខ្នាតយក្សផលិតទំនិញប៊្រែនប្រណីតៗរបស់លោក ប៊ែរណាដ អាណូល (Bernard Arnault) បានរាយការណ៍ថា ឆ្នាំ២០២៣ គឺជាឆ្នាំបំបែកកំណត់ត្រាសម្រាប់ក្រុមហ៊ុននេះ ដោយក្នុងពេញមួយឆ្នាំ២០២៣ ក្រុមហ៊ុននេះទទួលបានកំណើនប្រាក់ចំណូលដល់ទៅជាង៩៣ពាន់លានដុល្លារ ឯណោះ ពោលគឺកើនឡើង១៣%បើធៀបនឹងតួលេខប្រាក់ចំណូលក្នុងឆ្នាំ២០២២៕
អត្ថបទ៖ សុខ ជា
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
