#ADB

ធនាគារអភិវឌ្ឍន៍អាស៊ី ADB បានបង្ហាញរបាយការណ៍នៅថ្ងៃពុធសប្តាហ៍នេះ ថា ការស្ទុះងើបឡើងវិញនៃសេដ្ឋកិច្ចនៅក្នុងតំបន់អាស៊ីអាគ្នេយ៍ពីជំងឺរាតត្បាតកូវីដ -១៩ នឹងមានភាពយឺតយ៉ាវជាងការរំពឹងទុក ខណៈតំបន់នេះនៅតែបន្តទប់ទល់ជាមួយរលកឆ្លងខ្ពស់នៃមេរោគកូវីដ១៩ បំប្លែងថ្មី ឌែលតា។ ផលិតផលក្នុងស្រុកសរុបរបស់តំបន់អាស៊ីអាគ្នេយ៍ត្រូវបានគេរំពឹងថាកើនឡើង ៣,១% ប៉ុណ្ណោះនៅឆ្នាំនេះ គឺទាបជាងការព្យាករកាលពីមុនដែលថានឹងកើនដល់ជាង៤%។ដោយឡែកនៅ ឆ្នាំ២០២២ សេដ្ឋកិច្ចតំបន់អាស៊ីអាគ្នេយ៍នេះ នឹងកើនដល់៥%។ នេះបើយោងតាមការចុះផ្សាយរបស់សារព័ត៌មាន Nikkei Asia។