#ការវិនិយោគ

ប្រទេសវៀតណាម ត្រូវបានគេមើលឃើញថា កំពុងក្លាយជាកូនក្រមុំដ៏ស្រស់ប្រិមប្រិយមួយ នៅតំបន់ អាស៊ីអាគ្នេយ៍នេះ សម្រាប់ការបង្វែរទិសដៅផ្លាស់ប្ដូរខ្សែចង្វាក់ផលិតកម្មរបស់ក្រុមហ៊ុនធំៗ ពិសេសក្រុមហ៊ុនដែលកំពុងគេចចេញពីផលប៉ះពាល់នៃសង្គ្រាមពាណិជ្ជកម្មរវាងចិន និអាមេរិក។ យ៉ាងណាមិញ បើតាមក្រសួងឧស្សាហកម្ម និងពាណិជ្ជកម្មវៀតណាម ថ្មីៗនេះ ក្រុមហ៊ុនបច្ចេកវិទ្យាលំដាប់ពិភពលោកមួយចំនួន បានបង្ហាញពីផែនការផ្លាស់ប្ដូរខ្សែចង្វាក់ផលិតកម្មរបស់ពួកគេចូលទៅកាន់ប្រទេសវៀតណាម នៅក្រោយវិបត្តិកូវីដ-១៩នេះ។