#កិច្ចព្រមព្រៀង RCEP

ការធ្វើពាណិជ្ជកម្មរបស់កម្ពុជា ជាមួយប្រទេសក្រោមកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) សម្រេចបានទំហំទឹកប្រាក់ជាង២៦ពាន់លានដុល្លារ នៅរយៈពេល១១ខែឆ្នាំនេះ ថយចុះជាង៦% បើធៀបនឹងរយៈពេលដូចគ្នាកាលពីឆ្នាំ២០២២។ ទោះបីការដោះដូរពាណិជ្ជកម្មជារួមមានការថយចុះក្តី ប៉ុន្តែសម្រាប់ការនាំចេញទំនិញរបស់កម្ពុជាទៅកាន់ទីផ្សារ RCEP នៅ១១ខែឆ្នាំនេះហាក់មានការកើនឡើងគួរឱ្យកត់សម្គាល់ ដោយសម្រេចបានទំហំទឹកប្រាក់ជាង៧ពាន់លានដុល្លារ កើនឡើងជាង២៧% បើធៀបនឹងឆ្នាំមុន។