វុធ ច័ន្ទតារា

ការស្ទង់ទិន្នន័យមួយបានបង្ហាញកាលពីថ្ងៃចន្ទថា ទិន្នផលក្នុងផលិតកម្មរោងចក្រនៅតំបន់អាស៊ីភាគច្រើនបានធ្លាក់ចុះកាលពីខែកញ្ញា ដោយសារតែការធ្លាក់ចុះនៃតម្រូវការពីប្រទេសចិន និងប្រទេសដែលមានសេដ្ឋកិច្ចជឿនលឿនផ្សេងទៀត។ តម្រូវការធ្លាក់ចុះនេះទៀតសោត បានទៅបន្ថែមសម្ពាធដល់រោងចក្រ ដែលកំពុងជួបប្រទះនឹងបញ្ហាថ្លៃដើមផលិតកើនឡើងរួចទៅហើយ។ ប្រការទាំងនេះបានបង្កក្តីបារម្ភចំពោះ លើការំពឹងស្តារសេដ្ឋកិច្ចតំបន់នៅក្នុងត្រីមាសទី៤ឆ្នាំ២០២២។ នេះបើតាមការចុះផ្សាយដោយសារព័ត៌មានរ៉យទ័រ។