វុធ ច័ន្ទតារា

របាយការណ៍ថ្មីមួយដែលបានចេញផ្សារកាលពីថ្ងៃអាទិត្យទី២៦ធ្នូនេះ បង្ហាញថា ទំហំសេដ្ឋកិច្ចរបស់ពិភពលោកនឹងកើនលើសពី ១០០ទ្រីលានដុល្លារអាមេរិក ជាលើកដំបូងក្នុ្ងងប្រវត្តិសាស្ត្រ នៅឆ្នាំ២០២២ខាងមុខនេះ។ របាយការណ៍ដដែលក៏បានគូសបញ្ជាក់ផងដែរថា មហាយក្សសេដ្ឋកិច្ចលំដាប់ទី២ គឺចិន នឹងត្រូវការចំណាយពេលយូរជាងការគិតទុកពីមុន ដើម្បីអាចដណ្ដើមតំណែងពីសហរដ្ឋអាមេរិក ក្នុងនាមជាប្រទេសមានសេដ្ឋកិច្ចលេខ១ពិភពលោក។ នេះបើតាមការចុះផ្សាយដោយសារព័ត៌មានរ៉យទ័រ។