តាមរយៈសេចក្តីប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុបានបញ្ជាក់ថា ឯកឧត្តម អូន ព័ន្ធមុនី រ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានរៀបរាប់យ៉ាងច្រើនប្រាប់ឯកឧត្តម Patrick Murphy ឯកអគ្គរដ្ឋទូតអាមេរិកប្រចាំកម្ពុជា អំពីកិច្ចអន្តរាគមន៍សំខាន់ៗ ដំណោះស្រាយ និងវិធានការនានា ដែលបានដាក់ចេញដោយរាជរដ្ឋាភិបាលកម្ពុជា ដើម្បីជួយស្រោចស្រង់វិស័យធំមួយចំនួនដូចជា វិស័យទេសចរណ៍ អាកាសចរណ៍ និងកាត់ដេរវាយនភ័ណ្ឌ ចាប់តាំងជំងឺកូវីដ១៩ បានរីករាលដាលមក។
អត្ថបទគួរអាន
គូសបញ្ជាក់ថា ថ្វីត្បិតតែ អាមេរិកធ្លាប់ប្រកាសថា លែងផ្តល់ជំនួយដល់អង្គការសុខភាពពិភពលោកក៏ពិតមែន តែប្រទេសមហាអំណាចសេដ្ឋកិច្ចពិភពលោកមួយនេះ នៅតែបន្តផ្តល់ជំនួយដល់ប្រទេសនានា ជាពិសេសក្នុងតំបន់អាស៊ី ដើម្បីប្រយុទ្ធប្រឆាំងនឹងជំងឺកូវីដនេះដដែល។ជាក់ស្តែងកាលពីអំឡុង ខែមេសាកន្លងទៅ តាមរយៈកិច្ចប្រជុំពិសេសរដ្ឋមន្ត្រីការបរទេសអាស៊ាន សហរដ្ឋអាមរិកបានសម្រេចផ្តល់ជំនួយជាង ៣៥លានដុល្លារផងដែរ ចំពោះការគាំទ្រវិស័យសុខាភិបាលសាធារណៈរបស់អាស៊ានផងដែរ៕
None
