អេស៊ីលីដា ទទួលបានវិញ្ញាបនបត្រ ស្ដង់ដារអន្តរជាតិបញ្ជាក់ពីកិច្ចការពារ សុវត្ថិភាពទិន្នន័យប័ណ្ណអេឡិចត្រូនិក

សមិទ្ធផលថ្មីនេះ ជាសក្ខីភាពបង្ហាញការប្តេជ្ញាចិត្តរបស់ ធនាគារ អេស៊ីលីដា ភីអិលស៊ី ក្នុងនាមជាធនាគារខ្មែរឈានមុខគេលើវិស័យឌីជីថលក្នុងប្រទេសកម្ពុជា និងក្នុងនាមជាដៃគូសហការ ដែលអាចទុកចិត្តបាន ក្នុងការអនុវត្តវិធានការសុវត្ថិភាពព័ត៌មានវិទ្យាខ្ពស់បំផុតដោយរក្សានូវគ្រឹះសំខាន់ៗទាំង៥រួមមាន៖ Confidentiality, Integrity, Availability, Authenticity, and Non-repudiation (CIAAN)។

លើសពីនេះ ការទទួលបានវិញ្ញាបនបត្រនេះ បានឆ្លុះបញ្ចាំងឲ្យឃើញពីកិច្ចខិតខំប្រឹងប្រែងរបស់ធនាគារខ្មែរមួយនេះ ក្នុងការធានាសុវត្ថិភាព និងការពារព័ត៌មានឯកជនរបស់អ្នកប្រើប្រាស់បានយ៉ាងខ្ជាប់ខ្ជួន។

ធនាគារ អេស៊ីលីដា ថ្មីៗនេះទើបតែបានធ្វើបច្ចុប្បន្នភាពនូវអេបធនាគារបស់ខ្លួន គឺ អេស៊ី ស៊ូភើអេប ដែលផ្ដល់នូវសុវត្ថិភាពខ្ពស់បំផុតដល់អ្នកប្រើប្រាស់ ជាមួយមុខងារប្រើប្រាស់យ៉ាងសម្បូរបែប ដូចជា អាចធ្វើការបញ្ជាទិញមូលបត្រនៅលើផ្សារមូលបត្រកម្ពុជា, អាចធ្វើការបង់ថ្លៃសេវាកម្មផ្សេងៗទាំងជាមួយស្ថាប័នរដ្ឋ និងឯកជន ដោយឥតគិតថ្លៃ, បញ្ចូលលុយទូរសព្ទ, អាចធ្វើការទិញទំនិញនៅលើ Cambodia Market ជាដើម។ល។

ជាមួយនឹងការជឿជាក់ទុកចិត្តខ្ពស់ពីសំណាក់ប្រើប្រាស់ បច្ចុប្បន្ន អេស៊ី ស៊ូភើអេប របស់ធនាគារអេស៊ីលីដា មានអ្នកប្រើប្រាស់ជាង ៤លាននាក់ហើយ និងជាអេបធនាគារ ដែលស្ថិតនៅជាមួយអ្នកប្រើប្រាស់គ្រប់ពេលវេលា ប្រៀបដូចជាកាបូបលុយ ឬ ធនាគារនៅក្នុងដៃដូច្នេះដែរ៕