Advertisement
កសិពាណិជ្ជកម្ម

កង្វះខាតដើមទុនកែច្នៃផលិតផលកសិកម្ម ធ្វើឲ្យកម្ពុជាខ្សោយទីផ្សារការនាំចេញ ?


កម្ពុជា ជាប្រទេសដែលមជ្ឈដ្ឋានជាតិ និង អន្តរជាតិទទួលស្គាល់ថា ជាប្រទេសដែលមានសក្កានុពលផ្នែកកសិកម្ម និង កសិ ឧស្សាហកម្ម និយាយរួមផលិតផលកសិកម្មរបស់កម្ពុជា គឺត្រូវបានធ្វើការនាំចេញ មិនទាន់បានច្រើននៅឡើយទេ ដោយសារតែការផលិត ការកែច្នៃមិនទាន់ឯកភាពគ្នា ចំពោះផលិតផលនាំចេញ ដែលតម្រូវទៅនឹងទីផ្សារអន្តរជាតិ។
កសិកម្ម
ដោយ
Advertisement

ផលិតផល​កសិកម្មកម្ពុជា​ គឺនៅមាន​ច្រើនណាស់ ដែលអាច​ឲ្យយើង​មានលទ្ធភាព​កែច្នៃបាន ​ប៉ុន្តែអ្វីដែល​ជាឧបសគ្គ​ធំ ដែលមិន​អាចឲ្យ​យើងធ្វើការ​កែច្នៃ​សម្រាប់​ការនាំ​ចេញបាន​ច្រើន នោះក៏​ដោយសារ​តែខ្វះវិនិយោគ​ទុន​តែប៉ុណ្ណោះ។ខ្វះវិនិយោគទុន គឺជារឿង​មួយ ប៉ុន្តែ​មានរឿង​​ជាច្រើន​​ទៀតដែល​យើងមិន​អាច​មើល​រំលង និង ត្រូវតែ​ធ្វើការ​កែទម្រង់ឲ្យ​ស៊ីជម្រៅមាន​ដូច​ជាតម្លៃ​នៃការ​ដឹកជញ្ជូន តម្លៃអគ្គិសនី​ថ្លៃ គុណភាព​ទំនិញ និង ខ្វះពិពិធកម្ម​នៅក្នុង​ការកែច្នែ​កសិកម្ម សម្រាប់​ការប្រកួត​ប្រជែង។

ជុំវិញទៅ​នឹងបញ្ហាទាំងអស់​នេះ រដ្ឋាភិបាល​កម្ពុជា តាមរយៈ​ក្រសួង​ឧស្សាហកម្ម និង សិប្បកម្មកម្ពុជា​បានបង្ហាញ​ពីគោល​ជំហរ ដោយ នឹង​បន្តជំរុញ​បង្កើន​ផលិត​ភាព​ការផលិត និងកែច្នៃកសិផល​ក្នុងស្រុក​បន្ថែម ដើម្បី​រក្សា​និរន្តរភាព​នៅក្នុង​វិស័យ​កសិពាណិជ្ជកម្ម និងការ​ប្រកួតប្រជែង សម្រាប់​បង្កើន​ការនាំចេញ ខណៈក្រសួង​មើលឃើញ​និង ទទួល​ស្គាល់ថា ផលិតផលកម្ពុជា​កសិកម្ម​សម្រាប់​ការនាំចេញ គឺនៅមាន​កម្រិត​តិចតួច​នៅឡើយ។

បើតាម លោក គង់ ភាច ប្រធាន​នាយកដ្ឋាន​កសិឧស្សាហកម្ម​បានអះអាង​ថា កសិផល​ដែលកម្ពុជា​បាននាំចេញ​ទៅក្រៅ​ប្រទេស​កន្លងមក​មាន អង្ករ ស្វាយ ចេក ម្រេច ស្វាយចន្ធី សុទ្ធតែបានធ្វើការ​នាំចេញ​ក្នុងទម្រង់​ជាវត្ថុធាតុ​ដើម មិនទាន់​កែច្នៃ​ប៉ុណ្ណោះ  ដែលនេះ​ជាការធ្វើឲ្យ​យើងបាត់បង់​នូវតម្លៃ​បន្ថែម​ច្រើន ទាមទារ​ឲ្យក្រសួង​ឧស្សាហកម្ម​ពង្រឹង​ការកែច្នៃ​ឲ្យកាន់តែប្រសើរ​ឡើង ដើម្បីទាញ​យក​តម្លៃបន្ថែម និង បង្កើតការងារ​ជូនប្រជាពលរដ្ឋ​ក្នុងស្រុក កាត់បន្ថយការ​ចំណាក​ស្រុក​ផងដែរ។

ពាក់ព័ន្ធទៅ​នឹងបញ្ហា​ខាងលើនេះ​ដែរ ឯកឧត្តម​ទេសរដ្ឋមន្ត្រី ចម ប្រសិទ្ធិ រដ្ឋមន្ត្រី​ក្រសួងឧស្សាហកម្ម និង សិប្បកម្ម បានគូស​បញ្ជាក់ នៅក្នុង​ពិធីបើក​សន្និសីទ​ជាតិស្តីពី ការអភិវឌ្ឍ​ វិស័យ​កសិពាណិជ្ជកម្ម ប្រកបដោយ​និរន្តរភាព និងភាព​ប្រកួត​ប្រជែង ដែរថា ដើម្បីរក្សា​ឲ្យបាននូវ​និរន្តរភាព​នៅក្នុង​វិស័យ​កសិពាណិជ្ជកម្មនោះ គឺកម្ពុជា​ត្រូវអនុវត្ត​ឲ្យបាន​នូវកិច្ច​សន្យាកសិកម្ម ដែលមាន​ស្រាប់ ព្រោះកាល​ណាកិច្ចសន្យា​កសិកម្មនេះ អាចធ្វើ​បានល្អ ពេលនោះកម្ពុជា ពិតជា​អាចធានា ផលិតផល ភោគផល កសិកម្ម​ទាំងអស់បាន ព្រមទាំង​ជំរុញ​ទៅដល់​វិស័យ​កសិឧស្សាហកម្ម​ដើម្បីធ្វើការ​កែច្នៃ​ សម្រាប់ការ​នាំចេញ​កាន់តែ​ច្រើន​បន្ថែម​ទៀតបាន។

ឯកឧត្តម ចម ប្រសិទ្ធិ បានបញ្ជាក់​អះអាងថា វិធានការ​យើងកំពុង​តែធ្វើពេលនេះ គឺទាក់ទងនឹង​ការបង្កើត​ផលិតភាព ពិសេស​គឺផលិតភាព​នៅក្នុង​វិស័យ​កសិកម្មតែម្តង។

សូមបញ្ជាក់ថា វិស័យ​កសិកម្ម​នេះបានចូលរួមគាំទ្រ​កំណើន​សេដ្ឋកិច្ច ១.៧ ភាគរយ ក្នុងមួយឆ្នាំ ខណៈវិស័យ​ឧស្សាហកម្ម​មានកំណើន​ជាង ១០ភាគរយ វិស័យ​សេវាកម្ម និងសំណង់​មានកំណើន​ជាង ១០ភាគរយ​ដូចគ្នាដែរ៕

Advertisement
© 2019 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ចិន ចាប់ផ្តើមរឹតបន្តឹងការផ្តល់ជំនួយបរទេសទាំងកាក់ទាំងសេនហើយ !

ព័ត៌មាន
ប្រមុខដឹកនាំ នៃទីភ្នាក់ងារជំនួយបរទេស នៃប្រទេសចិន បានឲ្យដឹងថា ប្រទេសចិន នឹងចាប់ផ្តើមរឹតបន្តឹងទាំងកាក់ ទាំងសេន ទៅលើការចំណាយសម្រាប់ជំ...

ឆ្នាំ២០១៨ គ្រឹះស្ថានធនាគារ និងហិរញ្ញវត្ថុ ជួបការប្រឈមធំមួយ ពី ធនាគារជាតិ

ព័ត៌មាន
ប្រធានក្រុមប្រឹក្សាភិបាលសមាគម មីក្រូហិរញ្ញវត្ថុកម្ពុជា អះអាងថា នៅឆ្នាំ ២០១៨ កន្លងទៅនេះ ការអនុវត្តតាមសេចក្ដីប្រកាសថ្មី ស្ដីអំពីចំណាត់ថ្នាក់...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ