អេស៊ីលីដា ត្រៀមមូលនិធិកម្ចីជិត៦០០លានដុល្លារ សម្រាប់ផ្ដល់ជូន SME នៅឆ្នាំ២០២១
ព័ត៌មាន
•
នៅឆ្នាំ២០២១នេះ ធនាគារអេស៊ីលីដា ដែលជាធនាគារក្នុងស្រុកធំជាងគេមួយនៅកម្ពុជាបានត្រៀមមូលនិធិកម្ចីប្រមាណជិត៦០០លានដុល្លារ សម្រាប់ផ្ដល់ជូនសហគ្រា…
ក្នុងសេចក្តីជូនដំណឹងរបស់ស្ថានទូតបានឲ្យដឹងដែរថា សារព័ត៌មានក្នុងស្រុករបស់វៀតណាម (Viet Nam News) បានចុះផ្សាយថា រដ្ឋាភិបាលវៀតណាមបានរកឃើញករណីវិជ្ជមានកូវីដ-១៩សរុប ៨៤ករណីគិតត្រឹមថ្ងៃទី២៩ខែកមរា ក្នុងខេត្តចំនួនពីររបស់វៀតណាមរួមមានខេត្ត Hai Duong និងខេត្ត Quang Ninh។
ក្រោយរកឃើញករណីឆ្លងទាំងនេះ វៀតណាមបានបញ្ជាឲ្យបិទភ្លាមៗនូវទីក្រុង Chi Linh នៃខេត្ត Hai Duong ដែលរកឃើញមានករណីឆ្លងច្រើនជាងគេ ព្រមទាំងបិទអាកាសយានដ្ឋាន VanDon ក្នុងខេត្ត Quang Ninhរយៈពេល២១ថ្ងៃផងដែរ។
វិធានការនានា បន្ថែមទៀតត្រូវបានដាក់ចេញដូចគ្នាដែររួមមាន ប្រជាជនត្រូវបានស្នើឱ្យស្នាក់នៅក្នុងផ្ទះ ប៉ុន្តែអាចចេញពីផ្ទះសម្រាប់តម្រូវការចាំបាច់ដូចជាទិញអាហារ ថ្នាំសង្កូវ ឬករណីសង្គ្រោះបន្ទាន់ ព្រមទាំងទៅធ្វើការងារ នៅតាមភ្នាក់ងាររោងចក្រសហគ្រាសនិងសេវាកម្ម ដែលចាំបាច់ និងដែលមិនត្រូវបានបិទ។ នៅតាមទីសាធារណៈការជួបជុំមនុស្សលើសពីពីរនាក់ ត្រូវបានហាមឃាត់និងត្រូវរក្សាចម្ងាយ ២ ម៉ែត្រពីគ្នា។ សាលារៀនកន្លែងកម្សាន្ត និងអាជីវកម្មមិនចាំបាច់ទាំងអស់ត្រូវបានបិទទ្វារ។
លើសពីនេះ សេវាដឹកជញ្ជូនសាធារណៈចេញពីទីក្រុង Chi Linh ត្រូវបានផ្អាកលើកលែងតែករណីផ្លូវការឬតម្រូវការបន្ទាន់។ ប្រជាជនត្រូវបានស្នើឱ្យពាក់ម៉ាស រក្សាគម្លាត និងជៀសវាងការជួបជុំគ្នា។
ក្រៅពីខេត្តទាំង២ខាងលើ តំបន់ជាច្រើនផ្សេងទៀតនៅក្នុងប្រទេសដូចជា ទីក្រុងហូជីមិញ ដាណាង ខេត្តបាក់ហ្សាង និង Nghè An ក៏បានស្នើមិនឱ្យមានការជួបជុំមនុស្សច្រើនកាត់បន្ថយពិធីបុណ្យនានា និងអនុវត្តវិធានការសុវត្ថិភាព។
សេចក្តីប្រកាសរបស់ស្ថានទូតកម្ពុជាប្រចាំនៅប្រទេសវៀតណាម
បន្ថែមពីលើនេះ រដ្ឋាភិបាលវៀតណាមបានបញ្ជាឲ្យរៀបចំនូវមន្ទីរពេទ្យចល័ត៣ភ្លាមៗក្នុងតំបន់ដែលមានការឆ្លង ដើម្បីមើលថែអ្នកជំងឺកូវីដ-១៩ ដែលគេជឿថានឹងអាចកើនឡើងបន្ថែមទៀតនៅប៉ុន្មានថ្ងៃបន្ទាប់។ នេះបើតាមការចុះផ្សាយដោយសារព័ត៌មានក្នុងស្រុកវៀតណាមដដែល។
មន្រ្តីជាន់ខ្ពស់ក្នុងរដ្ឋាភិបាលវៀតណាម បានព្រមានថា វៀតណាម អាចនឹងត្រូវប្រឈមមុខនឹងករណីឆ្លងក្នុងសហគមន៍ថ្មីនេះ រហូតដល់ទៅ ៣ម៉ឺនករណី ប៉ុន្តែក្រសួងសុខាភិបាលអះអាងថា នឹងគ្រប់គ្រងស្ថានភាពនេះឲ្យបានក្នុងរយៈពេល ១០ថ្ងៃ។
សូមបញ្ជាក់ថា គិតត្រឹមព្រឹកថ្ងៃសុក្រទី ២៩ មករាឆ្នាំ២០២១ នេះវៀតណាមមានអ្នកឆ្លងកូវីដ-១៩សរុប ១.៦៥១ នាក់ និងបានឆក់យកជីវិតមនុស្សអស់ ៣៥នាក់រួចហើយ៕
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
