កម្មករដែលបានយកសំណាកទៅពិសោធន៍បន្ដចំនួន ១៨នាក់នោះ គឺត្រូវបានដាក់ឲ្យស្នាក់នៅចត្តាលីស័កកម្រិត២ នៅវិទ្យាល័យជម្ពូវន្ដ ខណៈដែលអ្នកដែលត្រូវបានដាក់ចត្តាឡីស័កកម្រិត១ នៅវិទ្យាល័យជម្ពូវន្ដ មានចំនួន ៣៨នាក់ និងអ្នកដែលត្រូវបានដាក់ចត្តាឡីស័កនៅផ្ទះចំនួន ១៤ថ្ងៃ មានចំនួន ៩៥៩នាក់។
ឯកឧត្តម ហេង សួរ បានគូសបញ្ជាក់ទៀតថា នៅខេត្តព្រះសីហនុ ក៏បានរៀបចំមណ្ឌលត្រួតពិនិត្យសុខភាពចំនួន ២កន្លែងដែរ ដោយបានពិនិត្យសុខភាព និងដាក់ឲ្យធ្វើចត្តាឡីស័កនៅផ្ទះ ចំនួន១៤ថ្ងៃ ចំនួន ៦០នាក់ផងដែរ។
បើតាមឯកឧត្តម ហេង សួរ អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ កម្មកររោងចក្រកាត់ដេរចំនួន ១៨ នាក់ដែលត្រូវបានយកសំណាកទៅពិសោធបន្ដនោះ គឺស្ថិតនៅក្នុងចំណោមកម្មករោងចក្រចំនួន ១០១៨ នាក់ ដែលបានត្រួតពិនិត្យសុខភាព នៅថ្ងៃទី ២០ ខែមេសានេះ។
អត្ថបទទាក់ទង!
កម្មករដែលត្រូវបានដាក់ឲ្យធ្វើចត្តាឡីស័ក ដើម្បីតាមដានសុខភាពទាំងនោះ គឺជាអ្នកដែលបានធ្វើដំណើរទៅស្រុកំណើតនៅអំឡុងចូលឆ្នាំខ្មែរ មិនបានគោរពតាមបទបញ្ជារបស់រាជរដ្ឋាភិបាល និងបានវិលត្រឡប់ពីស្រុកកំណើតមកធ្វើការវិញ តែត្រូវបានអាជ្ញាធរបានដាក់ឲ្យនៅដាច់ដោយឡែក ដើម្បីតាមដានត្រួតពិនិត្យសុខភាពរយៈពេល ១៤ ថ្ងៃ ដោយបារម្ភខ្លាចក្រែងមានករណីឆ្លងកូវីដ-១៩។
បើតាមមន្ត្រីនាំពាក្យក្រសួងការ បានឲ្យដឹងថា «ក្រសួង បានសហការជាមួយ រដ្ឋបាលរាជធានីភ្នំពេញ,ក្រុមគ្រូពេទ្យស្ម័គ្រចិត្តសម្តេច ហ៊ុន សែន, ក្រសួងសុខាភិបាល ក៏ដូចជាមន្ទីរសុខាភិបាលរាជធានីភ្នំពេញបានដាក់ដំណើរការមណ្ឌលត្រួតពិនិត្យសុខភាពចំនួន១០ មណ្ឌល ដើម្បីពិនិត្យសុខភាពកម្មកររោងចក្រ ដែលបានឈប់ពេលចូលឆ្នាំ និងទើបវិលត្រឡប់ចូលធ្វើការវិញ។»
ឯកឧត្តម ហេង សួរ បន្ថែមទៀតថា »គោលបំណងនៃការត្រួតពិនិត្យសុខភាពនេះ គឺដើម្បីការពារសុខភាពបងប្អូនកម្មកររោងចក្រជាង ៩៥% ដែលបានមកធ្វើការងារធម្មតាក្នុងអំឡុងពេលចូលឆ្នាំ ក៏ដូចជាការពារសុខភាពបងប្អូនដែលបានឈប់អំឡុងពេលចូលឆ្នាំនោះផងដែរ»៕
None
