តើជំនួបទល់មុខគ្នារវាងរដ្ឋមន្ត្រីការបរទេសចិន និងអាមេរិកអស់រយៈពេល ៥ម៉ោង បានជជែកពិភាក្សាពីកិច្ចការអ្វីខ្លះ?
ក្រោយការបិទបញ្ចប់កិច្ចប្រជុំកំពូលG20 ដែលគ្មានការប្រកាសអំពីលទ្ធផល កាលពីចុងសប្ដាហ៍មុន ប្រទេសដែលបានទៅចូលរួមកិច្ចប្រជុំ បានឆ្លៀតរៀបចំជំនួបលក្…
បើតាមប្រភពពីសារព័ត៌មាន Kyodo អំឡុងការថ្លែងក្នុងសន្និសីទសារព័ត៌មានខ្លីមួយកាលពីថ្ងៃពុធទី០៦កក្កដា ជូនដល់បណ្ដាអង្គទូត ស្តីពីលទ្ធផលនៃទស្សនកិច្ចលើកទី២របស់ប្រេសិតពិសេសនៃប្រធានអាស៊ាន ឆ្នាំ២០២២ ស្តីពីមីយ៉ាន់ម៉ា រដ្ឋមន្ត្រីការបរទេសកម្ពុជា ឯកឧត្តម ប្រាក់ សុខុន បានមានប្រសាសន៍ថា លោកបានស្នើឱ្យរដ្ឋមន្ត្រីការបរទេសរុស្ស៊ី ចូលរួមវេទិកាថ្នាក់តំបន់របស់សមាគមប្រជាជាតិអាស៊ីអាគ្នេយ៍ និងកិច្ចប្រជុំពាក់ព័ន្ធផ្សេងទៀត។
ជុំវិញបញ្ហានេះ សារព័ត៌មានខេមបូណូមីសបានព្យាយាមសុំការបញ្ជាក់បន្ថែមពីឯកឧត្តម ជុំ សន្ទរី អ្នកនាំពាក្យក្រសួងការបរទេសកម្ពុជា ប៉ុន្តែពុំមានការឆ្លើយតបនៅឡើយ។
កម្ពុជា ដែលជាប្រធានអាស៊ាននៅឆ្នាំនេះ ក៏បានអញ្ជើញមីយ៉ាន់ម៉ា ឱ្យចូលរួមកិច្ចប្រជុំផងដែរ បើទោះបីគ្រាន់តែជាតំណាងដែលមិនអ្នកនយោបាយក៏ដោយ។ នេះបើយោងតាមឯកឧត្តម ប្រាក់ សុខុន។
គួរជម្រាបថា កម្ពុជានឹងធ្វើជាម្ចាស់ផ្ទះនៃកិច្ចប្រជុំថ្នាក់រដ្ឋមន្ត្រីការបរទេសអាស៊ាន ក៏ដូចជាកិច្ចប្រជុំដែលពាក់ព័ន្ធផ្សេងទៀត នៅរាជធានីភ្នំពេញ សម្រាប់រយៈពេល៤ថ្ងៃ ចាប់ពីថ្ងៃទី៣ ខែសីហា ឆ្នាំ២០២២។
គួររំឭកដែរថា ចាប់តាំងពីការឈ្លានពានរបស់រុស្ស៊ីលើអ៊ុយក្រែន បានចាប់ផ្តើមកាលពីចុងខែកុម្ភៈ ការចូលរួមរបស់រុស្ស៊ីក្នុងកិច្ចប្រជុំអន្តរជាតិនានា រមែងមានភាពចម្រូងចម្រាស់។ ចម្រូងចម្រាស់ក៏ដោយសារតែភាគច្រើន ប្រទេសលោកខាងលិចមិនចង់ឱ្យរុស្ស៊ីចូលរួមឡើយ។ ប្រការនេះក៏បង្កការលំបាកដល់ប្រទេសជាម្ចាស់ផ្ទះរៀបចំកិច្ចប្រជុំផងដែរ ដោយហេតុថាមានប្រទេសមួយចំនួន ចង់ធ្វើពហិការជំនួបពហុភាគីដែលមានវត្តមានរុស្ស៊ីដែរ។
បើតាមការបញ្ជាក់ដោយ ឯកឧត្តមលោក ប្រាក់ សុខុន ប្រទេសរុស្ស៊ីនៅមិនបានបញ្ជាក់ជាផ្លូវការអំពីការចូលរួមរបស់រដ្ឋមន្ត្រីការបរទេសនោះទេ។ ទោះជាយ៉ាងណាក៏ដោយ ប្រភពពីរដ្ឋាភិបាលកម្ពុជាមួយរូប បានប្រាប់ Kyodo ថា រដ្ឋមន្ត្រីការបរទេសរុស្ស៊ី លោក Lavrov ភាគីច្រើនគឺទំនងនឹងចូលរួម តាមការអញ្ជើញនេះ៕
