Advertisement
Advertisement
Advertisement
វិស័យកាត់ដេរ

ក្រសួងការងារ៖ នៅខែមីនា នឹងមានការបិទរោងចក្រកាត់ដេរមួយចំនួន តែមិនមែនដោយសារតែបញ្ហា EBA ទេ


នៅមុនប៉ន្មានថ្ងៃ នៃការប្រកាសសេចក្ដីសម្រេចចុងក្រោយពីការដក ឬមិនដកប្រព័ន្ធអនុគ្រោះពន្ធ EBA ដោយសហភាពអឺរ៉ុបនោះ មន្ត្រីជាន់ខ្ពស់ក្រសួងការងារ និងបណ្ដុះបណ្ដាលវិជ្ជាជីរៈកម្ពុជា បានចេញមុខលើកឡើងថា នៅក្នុងខែមីនា ខាងមុខនេះ នឹងមានរោងចក្រកាត់ដេរមយយចំនួន នឹងត្រូវបិទទ្វារ ឬព្យួការងារកម្មករនយោជិត ដោយសារតែបញ្ហាខ្វះវត្ថុធាតុដើម សម្រាប់ការផលិត ព្រោះតែឥទ្ធិពលនៃវីរុសកូរ៉ូណា ដែលកំពុងរាតត្បាតខ្លាំងនៅប្រទេសចិន ប៉ុន្ដែ វាមិនមែនដោយសារតែបញ្ហាការដកប្រព័ន្ធអនុគ្រោះពន្ធ EBA នោះទេ។
ក្រោម​កម្មវិធី​អនុគ្រោះពន្ធ EBA កម្ពុជា​នាំ​ចេញ​សម្លៀក​បំពាក់​កាត់ដេរ និង​ស្បែកជើង​ទៅ​អឺរ៉ុប​មួយឆ្នាំ​ៗ ជាច្រើនពាន់លានដុល្លារ។
ដោយ
Advertisement

បើ​មិន​មាន​អ្វី​ប្រែប្រួល​ទេ នៅ​ថ្ងៃ​ពុធ​ទី ១២ កុម្ភៈ​នេះ សហភាព​អឺរ៉ុប នឹង​ប្រកាស​ពី​កាស​ម្រេច​ចុង​ក្រោយ​ថា ដក ឬ​មិន​ដក​ប្រព័ន្ធ​អនុគ្រោះ​ពន្ធ អ្វី​ៗ​គ្រប់យ៉ាង​លើកលែងតែ​អាវុធ (EBA) ពី​ប្រទេស​កម្ពុជា​។ 

តាម​រយៈ​សារ​សំឡេង​ជាង ៣​នាទី ដែល​ត្រូវ​បាន​គេ​ចែករំលែក​ត​គ្នា ដែល​គេ​ស្គាល់​ថា ជា​សារ​សំឡេង​របស់​លោក ហេង សួរ មន្ត្រី​នាំពាក្យ​ក្រសួង​ការងារ និង​បណ្ដុះបណ្ដាល​វិជ្ជា​ជី​រៈ បាន​ឲ្យ​ដឹង​ថា នៅ​ក្នុង​ខែមីនា ខាង​មុខ​នេះ នឹង​មានការ​បិទ​រោងចក្រ​កាត់ដេរ ឬ​មានការ​ព្យួរ​កា​ងារ​កម្មករ​មួយ​ចំនួន ប៉ុន្ដែ លោក​បញ្ជាក់​ថា ការ​បិទ​រោងចក្រ ឬ​ព្យួរការងារ​នេះ គឺ​ដោយសារ​តែ រោងចក្រ​មួយ​ចំនួន​កំពុង​ប្រឈម​នឹង​បញ្ហា​កង្វះខាត​វត្ថុធាតុដើម​សម្រាប់​ការ​ផលិត ដ្បិតថា តាំងពី​ថ្ងៃ​បុណ្យ​ឆ្នាំ​ចិន​រួច និង​មានការ​ផ្ទុះ​ឡើង​នៃ​វីរុស​កូ​រ៉ូ​ណា ប្រទេស​ចិន​បាន​បិទ​ការ​នាំ​ចេញ​ផលិតផល​ទាំងនេះ ដែល​វា​បាន​ធ្វើ​ឲ្យ​ប៉ះពាល់​ដល់​ការ​ផលិត​សម្លៀក​បំពាក់​នៅ​កម្ពុជា ក៏​ដូច​ជា​ប្រទេស​ជា​ច្រើន​ផ្សេង​ទៀត​ផង​ដែរ​។

លោក ហេង សួរ បាន​និយាយ​ថា «​នៅ​ក្នុង​ខែមីនា​ខាង​មុខ​នេះ អាច​មានការ​បិទ​រោងចក្រ​មួយ​ចំនួន ឬ​ក៏​ព្យួរការងារ​ន​យោ​ជិត​មួយ​ចំនួន​ថា​មក​ពី​រឿង EBA អីហ្នុង តាម​ការ​ពិត​មិនមែន​ទេ​! ហើយ​ចំពោះ​មុខ​អ្វី​ដែល​ជា​ការ​ជាក់ស្ដែង គឺថា រោងចក្រ​កាត់ដេរ​នៅ​កម្ពុជា ក៏​ដូច​ជា​រោងចក្រ​នៅ​ប្រទេស​ផ្សេង​ទៀត ដែល​ពឹង​លើ​វត្ថុធាតុដើម​ពី​ប្រទេស​ចិន​នេះ គឺ​ត្រូវការ​ពេល​ប្រហែលជា​ខ្ទង់ ៤០​ថ្ងៃ សម្រាប់​ការ​ទទួល​បាន​នូវ​ត្ថុ​ធាតុ​ដើម ពី​ប្រទេស​ចិន ដើម្បី​យក​មក​ធ្វើ​ជា​ធាតុ​ចូល​សម្រាប់​ផលិតកម្ម​របស់​ខ្លួន​។​»

មន្ត្រីជាន់ខ្ពស់​ក្រសួង​ការងារ​រូប​នេះ បាន​គូសបញ្ជាក់​ទៀត​ថា សម្រាប់​ផលិតកម្ម​កាត់ដេរ​របស់​កម្ពុជា គឺ​ភាគច្រើន​យក​វត្ថុធាតុដើម​ក្រណាត់​ពី​ប្រទេស​ចិន ហើយ​នៅ​ខែធ្នូ​ឆ្នាំ​២០១៩ និង​ខែមករា​ឆ្នាំ​២០២០​នេះ គឺ​មានការ​ដឹក​ជញ្ជូន​វត្ថុធាតុដើម​ពី​ចិន​មក​ច្រើន មុន​ពេល​ចូល​ឆ្នាំ​ចិន​។ ប៉ុន្ដែ នៅ​ក្រោយ​ចូល​ឆ្នាំ​ចិន​នេះ រោងចក្រ​នៅ​ក្នុង​ប្រទេស​ចិន​បាន​បិទ​ទាំងស្រុង ហើយ​បន្ទាប់​ពី​មានការ​ផ្ទុះ​ឡើង​នៃ​វីរុស​កូ​រ៉ូ​ណា​នា​ពេល​ថ្មី​ៗ​នេះ រោងចក្រ​នៅ​ចិន​គឺ​មិន​ទាន់​បើក​ដំណើរការ​នៅឡើយ​ទេ​។ ដូច្នេះ​ហើយ ផ្អែក​លើ​កត្តា​ទាំងនេះ ក្រសួង​ការងារ បាន​ចាត់​ទុក​ថា នឹង​ធ្វើ​ឲ្យ​មានការ​បិទ​រោងចក្រ​មួយ​ចំនួន​នៅ​កម្ពុជា ក៏​ដូច​ជា​ការ​ព្យួរការងារ​កម្មករ​ន​យោ​ជិត​ផង​ដែរ​។ 

បច្ចុប្បន្ន​នេះ រោងចក្រ​កាត់ដេរ​មាន​វត្ថុធាតុដើម​សម្រាប់​ការ​ផលិត នៅ​ត្រឹម​ចុងខែ​កុម្ភៈ​នេះ​ប៉ុណ្ណោះ​។

លោក ហេង សួរ បាន​បញ្ជាក់​បន្ថែម​ថា មាន​រោងចក្រ​មួយ​ចំនួន​បាន​ធ្វើការ​ទំនាក់ទំនង​ដើម្បី​ក​ម្ម៉​ង់​វត្ថុធាតុដើម​សម្រាប់​ការ​ផលិត​ពី​ដៃគូ​របស់​ខ្លួន​នៅ​ប្រទេស​ចិន​ដែរ ប៉ុន្ដែ ដៃគូ​ផ្គត់ផ្គង់​ទាំងនោះ មិន​ទាន់​ឆ្លើយ​តប​ថា នឹង​អាច​ដឹក​ជញ្ជូន​មក​កម្ពុជា​នៅ​ពេល​ណា​នៅឡើយ​ទេ​។

បើ​តាម ការ​គូសបញ្ជាក់​របស់​លោក ហេង សួរ ការ​លើក​ឡើង​ពី​ការ​បិទ​រោងចក្រ​នៅ​ខាងក្រោយ​នេះ គឺ​ដើម្បី ជា​ការ​ផ្សព្វ​ផ្សាយដំណឹង​ជា​មុន ដើម្បី​កុំ​ឲ្យ​សាធារណជន មានការ​យល់​ខុស​ថា ការ​បិទ​នេះ គឺ​ដោយសារ​តែ​ឥទ្ធិពល​នៃ​ការ​ដក​ប្រព័ន្ធ​អនុគ្រោះ​ពន្ធ EBA ពិសេស គឺ​ដើម្បី​ទប់ទល់​នឹង​ការ​វាយប្រហារ​ពី​សំណាក់​ក្រុម​គណៈបក្សប្រឆាំង ដែល​តែងតែ​លើកយក​បញ្ហា EBA នេះ មក​វាយប្រហារ​លើ​រាជរដ្ឋាភិបាល​។

លោក ហេង សួរ និយាយ​យ៉ាង​ដូច្នេះ «​ករណី​បើ​មានការ​បិទ ឬ​ការ​ព្យួរ​រោងចក្រ​នៅ​ក្នុង​ខែ ៣ ឬ​ខែ​៤​ខាង​មុខ​នេះ ដូច្នេះ​អ្វី​ដែល​បិទ ឬ​ក៏​ព្យួរ​នេះ វា​មិនមែន​មក​ពី​ឥទ្ធិពល EBA ឬ​មួយ​ឥទ្ធិពល​ស្អី​ទេ គឺ​ឥទ្ធិពល​កង្វះ​វត្ថុធាតុដើម​ពី​ប្រទេស​ចិន​ហ្នឹង​តែ​ម្ដង​»​។

បើ​តាម​មន្ត្រីជាន់ខ្ពស់​ក្រសួង​សេដ្ឋកិច្ច និង​ហិរញ្ញវត្ថុ​កម្ពុជា បាន​អះអាង​ថា តាម​ព័ត៌មាន​ក្រៅផ្លូវការ ឲ្យ​ដឹង​ថា ការ​ដក​ប្រព័ន្ធ​អនុគ្រោះ​ពន្ធ EBA ពី​កម្ពុជា ដោយ​សភាព​អឺរ៉ុប​នេះ គឺ​អាច​នឹង​ធ្វើ​ឡើង​លើ​ចំណែក​មួយ​ចំនួន​ប៉ុណ្ណោះ មិនមែន​ដក​ទាំងស្រុង​នោះ​ទេ​។ ពោល​គឺ អាច​ប៉ះពាល់​ដល់​ទឹកប្រាក់​នាំ​ចេញ​សម្រាប់​ផលិតផល​សម្លៀក​បំពាក់​ប្រមាណ ២០% និង​ស្បែកជើង​ប្រមាណ​៣០%​។ បើ​តាម​ការ​គណនា​របស់​ក្រសួង​សេដ្ឋកិច្ច និង​ហិរញ្ញវត្ថុ បើសិនជា​ការ​ដក​ក្នុង​ចំនួន​ប៉ុណ្ណេះ​មែន នោះ​វា​នឹង​ធ្វើ​ឲ្យ​ប៉ះពាល់​ដល់​ការ​នាំ​ចេញ​របស់​កម្ពុជា​ប្រមាណ​ជា ៥០០ លាន​ដុល្លារ​អា​មេ​រិ​ក និង​ប៉ះពាល់​ការងារ​កម្មករ​ប្រមាណ ៣​ម៉ឺន​នាក់​៕

Advertisement
© 2020 រក្សាសិទ្ធិ​គ្រប់​បែប​យ៉ាង​ដោយ ខេមបូណូមីស។ សម្រាប់​ការ​ប្រើ​ប្រាស់ ឬ​ផ្សាយ​បន្ត សូមទាក់ទង​មក អ៊ីម៉េល sothea[at]cambonomist.com ឬទូរស័ព្ទលេខ​ 089 777 076។



អត្ថបទបន្ទាប់


ទំហំពាណិជ្ជកម្មទ្វេភាគីកម្ពុជា-ថៃ ក្នុងឆ្នាំ២០១៩ សម្រេចបានជិត១០ពាន់លានដុល្លារអាមេរិក

ព័ត៌មាន
នៅក្នុងពិធីសម្ពោធពិព័រណ៍ពាណិជ្ជកម្មថៃ ថប់ថៃប្រេន ឆ្នាំ២០២០ កាលពីថ្ងៃទី០៧ ខែកុម្ភៈ ឆ្នាំ២០២០ នាមជ្ឈមណ្ឌលកោះពេជ្រ ឯកឧត្តម ជុរិន ឡាក់សាណាវ...

ឥទ្ធិពលកូរ៉ូណាវីរុស៖ វៀតណាមអាចនឹងបាត់ចំណូលជិត ៨ពាន់លានដុល្លារពីវិស័យទេសចរណ៍

ព័ត៌មាន
ការផ្ទុះឡើងនៃវីរុសកូរ៉ូណា នៅក្នុងប្រទេសចិន និងបន្ដរីករាលដាលនៅប្រទេសជាច្រើននៅទូទាំងពិភពលោកនោះ ត្រូវបានគេមើលឃើញថា អាចជះឥទ្ធពលអវិជ្ជមា...
ច្រើនទៀត

អត្ថបទស្រដៀង


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ