លោកូរសាក់ ឆៃរ៉ាស្មីសាក់ (Korsak Chairasmisak) អនុប្រធានជាន់ខ្ពស់ក្រុមហ៊ុន CP ALL Group បានលើកឡើងថា ថ្មីៗនេះ រូបលោកបានជួបជាមួយនឹងខាងឯកអគ្គរដ្ឋាទូតរបស់កម្ពុជាប្រចាំប្រទេសថៃ ដោយភាគីទាំងពីរបានពិភាក្សាគ្នាជាច្រើនអំពីការវិនិយោគផ្សេងៗ ដើម្បីជំរុញពាណិជ្ជកម្មរវាងប្រទេសទាំងពីរ។ លោកបានបន្ថែមទៀតថា ពិតជាមានក្តីពេញចិត្តនិងស្វាគមន៍ជាខ្លាំង និង បានសន្យាជួយធ្វើឱ្យផលិតផលខ្មែរមានវត្តមាននៅតាមហាង 7-Eleven ក្នុងប្រទេសថៃផងដែរ។
អត្ថបទគួរអាន
ក្រុមហ៊ុន CP ALL Group គឺជាក្រុមហ៊ុនដែលទទួលបានអាជ្ញាបណ្ណ (License) ពីក្រុមហ៊ុនមេរបស់ហាង 7-Eleven នៅសហរដ្ឋអាមេរិក ដើម្បីប្រតិបត្តិការអាជីវកម្មហាងទំនិញនេះនៅប្រទេសថៃ ហើយក្រុមហ៊ុន CP All ក៏ទទួលបានអាជ្ញាបណ្ណសម្រាប់បើកហាង 7-Eleven នៅប្រទេសកម្ពុជាផងដែរ។ បច្ចុប្បន្ន ហាង 7-Eleven មានសាខាងជាង១ម៉ឺនកន្លែងនៅក្នុងប្រទេសថៃ ខណៈដែលនៅកម្ពុជាវិញមានជិត១០សាខាហើយ បន្ទាប់ពីបានបើកសាខាលើកដំបូងនៅកម្ពុជាកាលពីឆ្នាំ២០២១៕
អត្ថបទ សោម ស្រីពេជ្រ
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
