ការប្រកាសរបស់ក្រសួងនេះ ដោយសារតែមើលឃើញថា ចាប់តាំងពីមានការប្រកាសអនុវត្តការរឹតបន្តឹងច្បាប់ចរាចរណ៍ផ្លូវគោកមក មានម្ចាស់យានយន្តជាច្រើនបានសម្រុកទៅកាន់មណ្ឌលត្រួតពិនិត្យលក្ខណៈបច្ចេកទេសយានយន្ត ឬកន្លែងឆៀកយានយន្ត ដើម្បីធ្វើការត្រួតពិនិត្យ ដែលបានបង្កឲ្យមានការកកស្ទះនៅតាមដងផ្លូវនានា នៅជិតកន្លែងឆៀកយានយន្តទាំងនោះ។
ជាក់ស្តែងនៅថ្ងៃទី ៣០ មេសានេះ គេសង្កេតឃើញថា នៅគ្រប់គ្រប់មណ្ឌលត្រួតពិនិត្យលក្ខណៈបច្ចេកទេសយានយន្ត ឬឆៀកយានយន្តទាំងអស់ មានការកកស្ទះ ដោយសារតែមានម្ចាស់យានយន្តជាច្រើន បាននាំគ្នាភ្លូកទឹកភ្លូកដី សម្រុកទៅធ្វើឆៀករថយន្តរៀងខ្លួន ដើម្បីឲ្យបានមុនថ្ងៃអនុវត្តនៃការរឹតបន្តឹងច្បាប់ចរាចរណ៍ចាប់ពីថ្ងៃទី ០១ ខែឧសភា ស្អែកនេះ។
អត្ថបទគួរអាន
នៅក្នុងនោះដែរ ក្នុងកិច្ចប្រជុំរបស់អគ្គស្នងការដ្ឋាននគរបាលជាតិ កាលពីថ្ងៃទី២៩ មេសា ម្សិលមិញនេះ គឺជាការបែងចែកកម្លាំង និងវេនដល់មន្ត្រីដើម្បីធ្វើអនុវត្ត ដែលមានមន្ត្រីនគរបាលចរាចរណ៍ ជាង៤០០នាក់ មន្ត្រីនៃទាំង១៤ រួមនឹងមន្ត្រីការិយាល័យជំនាញ សរុបទាំងអស់ប្រមាណជាង ៦០០នាក់៕
None
