កម្ពុជាគ្រោងដាក់ចេញក្របខ័ណ្ឌគោលនយោបាយសេដ្ឋកិច្ច និងសង្គមឌីជីថល ក្នុងពេលឆាប់ៗ
ប្រមុខរាជរដ្ឋាភិបាលកម្ពុជាប្រកាសនាពេលថ្មីៗនេះថា នឹងដាក់ចេញនូវក្របខ័ណ្ឌគោលនយោបាយសេដ្ឋកិច្ច និងសង្គមឌីជីថល ក្នុងពេលឆាប់ៗខាងមុខនេះ ខណៈវិធា…
ក្រសួងពាណិជ្ជកម្មចិន និយាយថា ការយកពន្ធកើនឡើងខ្ពស់នេះ គឺជាវិធានការបណ្ដោះអាសន្នប្រឆាំងនឹងការលក់ទំនិញថោកខ្លាំង ដើម្បីបញ្ឈប់ការនាំចូលស្រាអូស្រ្តាលីដែលផលិតដោយមានការផ្ដល់ឧបត្ថម្ភធន (subsidies) ។
ពន្ធគយដែលកំណត់ត្រូវយកពីផលិតផលស្រាអូស្ត្រាលី មានចាប់ពីត្រឹម ១០៧% ដល់ ២១២% ដែលបញ្ហានេះត្រូវគេមើលឃើញថា នឹងរឹតតែធ្វើឲ្យភាពតានតឹងផ្នែកពាណិជ្ជកម្មរវាងចិន និងអូស្ត្រាលី កាន់តែឡើងកម្ដៅថែមទៀត ។
ប៉ុន្មានខែចុងក្រោយ រដ្ឋាភិបាលក្រុងប៉េកាំងបានផ្ដោតគោលដៅទៅលើការនាំចូលពីអូស្ត្រាលី ក្នុងនោះរួមមាន ធ្យូងថ្ម ស្ករស ស្រូវ barley និងបង្កង ខណៈដែលភាពតានតឹងនយោបាយរវាងប្រទេសទាំងពីរនៅតែបន្ត ។
ចិនចោទថា ស្រាអូស្ត្រាលីលក់នៅចិនតម្លៃថោកជាងលក់នៅក្នុងទីផ្សារក្នុងស្រុករបស់អូស្ត្រាលី តាមរយៈការប្រើប្រាស់កម្មវិធីឧបត្ថម្ភធន ប៉ុន្តែ អូស្ត្រាលីបានច្រានចោលការចោទប្រកាន់នេះ ។
ចិនគឺជាប្រទេសគោលដៅដ៏ធំបំផុតសម្រាប់ការនាំចេញស្រារបស់អូស្ត្រាលី ដែលក្នុងពេល ៩ខែដើមឆ្នាំ២០២០នេះ ការនាំចេញស្រាអូស្ត្រាលីទៅកាន់ចិន មានដល់ទៅ៣៩% នៃការនាំចេញស្រាសរុបរបស់អូស្ត្រាលី ៕
