លោក ជេហ្វឺរី ម៉េកខូមីក (Jeffery McCormick) អ្នកវិភាគជាន់ខ្ពស់របស់សហអាម៉េរិកខាងស៊ើបការណ៍សម្ងាត់លើវិស័យការពារជាតិ បានប្រាប់សភាកាលពីថ្ងៃអង្គារ សប្ដាហ៍មុនថា ចិនឥឡូវនេះមានឃ្លាំងអាវុធល្បឿនលឿនជាងសំឡេង៥ដង ឈានមុខគេនៅលើពិភពលោក ដែលអាចបាញ់ដល់គោលដៅនៅលើទឹកដីសហរដ្ឋអាម៉េរិក និងអាចបំពាក់ក្បាលគ្រាប់នុយក្លេអ៊ែ និងក្បាលគ្រាប់ធម្មតាថែមទៀតផង។
អ្នកវិភាគជាន់ខ្ពស់រូបននេះបានបន្ថែមថា សមិទ្ធផលទាំងនេះកើតចេញពីការខិតខំរយៈពេលពីរទសវត្សរ៍មកហើយរបស់ទីក្រុងប៉េកាំង ក្នុងការជំរុញការអភិវឌ្ឍយ៉ាងខ្លាំងនូវបច្ចេកវិទ្យា និងសមត្ថភាពផលិតអាវុធនុយក្លេអ៊ែ និងមិនមែននុយក្លេអ៊ែរបស់ខ្លួន តាមរយៈការវិនិយោគដ៏ខ្លាំងក្លា និងផ្តោតការយកចិត្តទុកដាក់លើការអភិវឌ្ឍ ការសាកល្បង និងការដាក់ឱ្យប្រើប្រាស់អាវុធប្រភេទនេះ។
មន្ត្រីការពារជាតិជាន់ខ្ពស់របស់អាម៉េរិកខ្លះទៀតបានប្រាប់សភានៅពេលនោះថា ប្រទេសរុស្ស៊ីក៏បានដាក់ពង្រាយអាវុធល្បឿនលឿនជាងសំឡេងចំនួន៣ប្រភេទបំពាក់ដោយក្បាលគ្រាប់នុយក្លេអ៊ែ និងបាញ់អាវុធប្រភេទនេះក្នុងការប្រយុទ្ធប្រឆាំងនឹងជនស៊ីវិលនៅអ៊ុយក្រែនផងដែរ។
អត្តបទគួរអាន
អ្នកវិភាគជាន់ខ្ពស់រូបននេះបានបន្ថែមថា សមិទ្ធផលទាំងនេះកើតចេញពីការខិតខំរយៈពេលពីរទសវត្សរ៍មកហើយរបស់ទីក្រុងប៉េកាំង ក្នុងការជំរុញការអភិវឌ្ឍយ៉ាងខ្លាំងនូវបច្ចេកវិទ្យា និងសមត្ថភាពផលិតអាវុធនុយក្លេអ៊ែ និងមិនមែននុយក្លេអ៊ែរបស់ខ្លួន តាមរយៈការវិនិយោគដ៏ខ្លាំងក្លា និងផ្តោតការយកចិត្តទុកដាក់លើការអភិវឌ្ឍ ការសាកល្បង និងការដាក់ឱ្យប្រើប្រាស់អាវុធប្រភេទនេះ។
មន្ត្រីការពារជាតិជាន់ខ្ពស់របស់អាម៉េរិកខ្លះទៀតបានប្រាប់សភានៅពេលនោះថា ប្រទេសរុស្ស៊ីក៏បានដាក់ពង្រាយអាវុធល្បឿនលឿនជាងសំឡេងចំនួន៣ប្រភេទបំពាក់ដោយក្បាលគ្រាប់នុយក្លេអ៊ែ និងបាញ់អាវុធប្រភេទនេះក្នុងការប្រយុទ្ធប្រឆាំងនឹងជនស៊ីវិលនៅអ៊ុយក្រែនផងដែរ។
ការផលិតបាននូវអាវុធដ៏ទំនើបនេះបានជំរុញឱ្យមានការព្រួយបារម្ភកាន់តែខ្លាំងឡើងថា សហរដ្ឋអាម៉េរិក បានស្ថិតនៅពីក្រោយគូបដិបក្ខដ៏មានឥទ្ធិពលបំផុតទាំងពីររបស់ខ្លួននៅក្នុងបរិបទដ៏សំខាន់នៃការប្រណាំងប្រជែងសព្វាវុធទំនើបៗ។ សព្វាវុធដ៏ទំនើបដែលអាចធ្វើដំណើរលឿនជាងសំឡេង៥ដងនេះ បានធ្វើឱ្យប្រព័ន្ធការពារដែលមានស្រាប់ពិបាកនឹងតាមស្ទាក់ចាប់អាវុធប្រភេទនេះយ៉ាងខ្លាំងបំផុត។
លោក ម៉េកខូមីក បាននិយាយថា មីស៊ីលល្បឿនលឿនជាងសំឡេងដ៍សាហាវបំផុតរបស់ចិន គឺម៉ាក DF 17 ដែលត្រូវបានដាក់ពង្រាយក្នុងឆ្នាំ២០២០ ហើយមីស៊ីលនេះអាចធ្វើដំណើរបានចម្ងាយយ៉ាងតិចជិត១,៦០០គីឡូម៉ែត្រ ពោលគឺវាអាចបាញ់ដល់មូលដ្ឋានទ័ពអាម៉េរិក និងទ្រព្យសម្បត្តិកងនាវារបស់អាម៉េរិក នៅសមុទ្រប៉ាស៊ីហ្វិកខាងលិចតែម្ដង។
ចាប់តាំងពីឆ្នាំ២០១៤មក យោធាចិន បានសាកល្បងមីស៊ីលល្បឿនលឿនជាងសំឡេងឆ្លងទ្វីបជាច្រើនប្រភេទរួមទាំងការសាកល្បងមីស៊ីលលឿនជាងសំឡេងតាមគន្លងគោចរផងដែរ។ លោក ម៉េកខូមីក បាននិយាយថា ការវិនិយោគរបស់ចិននឹងអាចជំរុញឱ្យប្រទេសនេះដាក់ពង្រាយកាំជ្រួចមីស៊ីលល្បឿនលឿនជាងសំឡេងជាច្រើនស្របតាមផែនការរបស់ខ្លួនក្នុងការកសាង«កម្លាំងគ្រាប់រ៉ុក្កែតដ៏រឹងមាំ និងមានទំនើបកម្ម»នាពេលអនាគត៕
អត្ថបទ៖ សុខ ជា
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
