របាយការណ៍ដែលចេញផ្សាយដោយរដ្ឋបាលខេត្តហ្វូចៀន របស់ចិន ហើយត្រូវបានចុះផ្សាយបន្តដោយសារព័ត៌មាន South China Morning Post បានឲ្យដឹងថា អាកាសយានដ្ឋានថ្មីនេះ គ្រោងនឹងសាងសង់ឡើង នៅចន្លោះកោះដាសា(Dasa) និងស៊ាវហ្សា (Xaosha) នៅក្បែរឆ្នេរសមុទ្រខាងកើតនៃស្រុកភីងតាន់ មិនឆ្ងាយប៉ុន្មានពីច្រកសមុទ្រកោះតៃវ៉ាន់នោះទេ។ គម្រោងអាកាសយាន្តដ្ឋានថ្មីនេះ គ្រោងនឹងចំណាយទឹកប្រាក់អស់ ៣ពាន់លានយ័ន ឬស្មើនឹងជាង ៤៦០លានដុល្លារអាមេរិក។
យ៉ាងណាមិញ គេនៅមិនទាន់ដឹងច្បាស់នៅឡើយទេថា ការសាងសង់នឹងច្បាប់ផ្តើមនៅពេលណា ប៉ុន្តែបើតាមសារព័ត៌មានក្នុងស្រុកចិនបានចុះផ្សាយថា អាកាសយានដ្ឋាននេះ នឹងត្រូវបានគេប្រើប្រាស់សម្រាប់ ជាមជ្ឈមណ្ឌលអាកាសចរណ៍ និងភស្តុភារកម្មដ៏សំខាន់ ក្នុងទំនាក់ទំនងរវាងចិននឹងកោះតៃវ៉ាន់។
ផ្ទុយទៅវិញ សម្រាប់កោះតៃវ៉ាន់ នេះមិនមែនជាទំនាក់ទំនងល្អនោះទេ
តែវាជាការគម្រាមកំហែងទៅវិញ។ ជាក់ស្តែង ក្រុងតៃប៉ិ បានឆ្លើយតបថា គម្រោងសាងសង់ព្រលានយន្តហោះដែលចិនអះអាងថា
មានភាពសំខាន់សម្រាប់ទំនាក់ទំនងជាមួយតៃវ៉ាន់នេះ
គឺជាការអះអាងតែម្ខាងប៉ុណ្ណោះ។
អត្ថបទគួរអាន
សម្រាប់ក្រុមអ្នករិះគន់វិញ ប្រការនេះត្រូវបានគេមើលឃើញថា ជាផ្នែកមួយនៃកិច្ចខិតខំប្រឹងប្រែងរយៈពេលវែងរបស់ក្រុងប៉េកាំង ក្នុងការឈានមកគ្រប់គ្រងនិងពង្រីកឥទ្ធិពលមកលើកោះតៃវ៉ាន់។
សូមជម្រាបថា ចាប់តាំងពីឆ្នាំ ២០១១មក ប្រទេសចិនបានចំណាយទឹកប្រាក់រាប់ពាន់លានដុល្លារ ដើម្បីអភិវឌ្ឍហេដ្ឋរចនាសម្ព័ន្ធនៅក្នុងខេត្តជាប់មាត់សមុទ្រក្បែរតំបន់ច្រកសមុទ្រកោះតៃវ៉ាន់ ហើយថែមទាំងធ្លាប់បានបង្ហើបពីគម្រោងចង់សាងសង់ស្ពានឆ្លងសមុទ្រដើម្បីតភ្ជាប់ដែនដីប្រទេសចិនជាមួយកោះតៃវ៉ាន់ទៀតផង។
None
