បារម្ភនៅត្រង់ថា ចំណូលពីមុខរបររបស់ពួកគាត់មានការធ្លាក់ចុះខ្លាំងនៅមួយរយៈនេះ។ ទោះយ៉ាងណា ពលរដ្ឋដែលកំពុងរងផលប៉ះពាល់ទាំងនេះក៏សង្ឃឹមថា រាជរដ្ឋាភិបាលនឹងបន្ដមានវិធានការណ៍ជួយគាំទ្រដល់ជីវភាពរបស់ពួកគាត់។
ជុំវិញទៅនឹងបញ្ហានេះ អ្នកជំនាញសេដ្ឋកិច្ចកត់សម្គាល់ឃើញថា ការឆ្លងរីករាលដាលនៃជំងឺកូវីដ-១៩ក្នុងសហគមន៍នេះ មិនថាអ្នករកស៊ីក្នុងសេដ្ឋកិច្ចក្នុងប្រព័ន្ធ ឬក្រៅប្រព័ន្ធនោះទេ គឺសុទ្ធតែរងផលប៉ះពាល់ដូចគ្នាតែទាំងអស់ហ្នឹង។
ឯកឧត្តម បណ្ឌិត ម៉ី កល្យាណ ទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានលើកឡើងថា ទាក់ទងនឹងគោលនយោបាយជួយដល់ជនងាយរងគ្រោះនៅអំឡុងពេលវិបត្តិមេរោគរាតត្បាតនេះ លោកជឿជាក់ថារាជរដ្ឋាភិបាលបាននិងកំពុងបន្ដរៀបចំផែនការធ្វើបន្ដទៀតហើយ ហើយរាជរដ្ឋាភិបាលក៏បានដឹងច្បាស់ចំពោះបញ្ហានេះដែរ។ បើតាមឯកឧត្តម បណ្ឌិត ម៉ី កល្យាណ នៅពេលនេះ គឺការជួយដល់ពលរដ្ឋក្រីក្រងាយរងគ្រោះគឺជារឿងចម្បងមួយរដ្ឋាភិបាលគួរតែបន្ដធ្វើថែមទៀត។
លោកឧកញ៉ា ហ៊ុន ឡាក់ ប្រធានក្រុមប្រឹក្សាភិបាលសហព័ន្ធស្រូវអង្ករកម្ពុជា បានលើកឡើងដែរថា បញ្ហាឆ្លងរីករាលដាលសហគមន៍លើកនេះ អាចនិយាយបានថា មានសភាពធ្ងន់ធ្ងរជាងលើមុនៗ ទោះយ៉ាងណា លោកថា ស្ថានភាពវិវត្តបែបណា យើងមិនទាន់ដឹងច្បាស់នៅឡើយទេ គ្រាន់តែដឹងថា ស្ថានភាពពេលនេះ ច្បាស់ហើយគឺអ្នករកស៊ីទាំងនៅក្នុងសេដ្ឋកិច្ចក្នុងប្រព័ន្ធ និងក្រៅប្រព័ន្ធសុទ្ធតែប៉ះពាល់ហើយ តែសង្ឃឹមថារដ្ឋាភិបាលនឹងអាចគ្រប់គ្រងស្ថានការណ៍ដ៏លំបាកនេះបាន។
អត្ថបទគួរអាន
គួររំលឹកថា កន្លងមករាជរដ្ឋាភិបាលកម្ពុជាបានចេញនូវវិធានការចំនួន៧ជុំរួចមកហើយក្នុងការជួយពលរដ្ឋក្រីក្រងាយរងគ្រោះ កម្មករនិយោជិតក្នុងវិស័យកាត់ដេរ និងទេសចរណ៍ ក៏ដូចជាការបន្ធូរបន្ថយពន្ធមួយចំនួនសម្រាប់អាជីវកម្មដែលរងផលប៉ះពាល់ដោយសារតែកូវីដ-១៩។
ថ្មីៗនេះដែរ អ្នកនាំពាក្យក្រសួងសេដ្ឋកិច្ច និងហិរញ្ញវត្ថុ ក៏បានបញ្ជាក់ដែរ កញ្ចប់ថវិកាជាង១ពាន់លានដុល្លារ ដែលបានដាក់ចេញសម្រាប់ដោះស្រាយបញ្ហាកូវីដតាំងពីឆ្នាំ២០២០ មកទល់ពេលនេះ ប្រើប្រាស់ជិតអស់ហើយ ហើយរដ្ឋក៏បានត្រៀមថវិកាបន្ថែម៨០០លានដុល្លារទៀតនៅឆ្នាំ២០២១នេះ ដើម្បីបន្ដត្រៀមដោះស្រាយកូវីដ-១៩ ដែលកំពុងបន្ដរាតត្បាតខ្លាំងនេះ៕None
