រាជរដ្ឋាភិបាលដាក់ឲ្យដំណើរការមុខងារចុះបញ្ជីកែប្រែព័ត៌មានក្រុមហ៊ុន សហគ្រាស លើប្រព័ន្ធចុះបញ្ជីអាជីវកម្មតាមឌីជីថល

ប្រព័ន្ធនេះ ផ្ដល់អត្ថប្រយោជន៍ មានដូចជា កែប្រែព័ត៌មានលម្អិត អាសយដ្ឋានទីស្នាក់ការចុះបញ្ជី,កែប្រែលក្ខន្តិកៈក្រុមហ៊ុន, កែប្រែសកម្មភាពអាជីវកម្ម,តម្កល់ប្រតិវេទន៍ប្រចាំឆ្នាំ និងកែប្រែព័ត៌មានគណនីធនាគារ។ នេះបើយោងតាមសេចក្ដីប្រកាសព័ត៌មានរួមមួយ នៅថ្ងៃទី១៥ ខែមករា ឆ្នាំ២០២៤។

បើតាមប្រភពដដែល ការសម្រេចនូវសមិទ្ធផលនេះ គឺជាការឆ្លើយតបយ៉ាងឆាប់រហ័ស ទៅនឹងសំណើរបស់វិស័យឯកជន ដែលរដ្ឋាភិបាលបានប្រកាសដាក់ចេញក្នុងវេទិការាជរដ្ឋាភិបាល-ផ្នែកឯកជនលើកទី១៩ កាលពីថ្ងៃទី១៣ ខែវិច្ឆិកា ឆ្នាំ២០២៣ កន្លងទៅ ដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕