វិស័យអាកាសចរណ៍គឺជាឧស្សាហកម្មមួយដែលរងផលប៉ះពាល់ខ្លាំងបំផុត នៅអំឡុងពេលនៃវិបត្តិកូវីដ-១៩នេះ ហើយក្រុមហ៊ុន Emirates បានកាត់បន្ថយការងាររាប់ពាន់កន្លែង ដើម្បីព្យាយាមគ្រប់គ្រងវិបត្តិ។ នេះបើតាមប្រភពព័ត៌មានដែលបានបញ្ជាក់នៅក្នុងសារព័ត៌មាន Reuters។
រដ្ឋាភិបាលអារ៉ាប់រួម បានចាក់បញ្ចូលសាច់ប្រាក់២ពាន់លានដុល្លារ ទៅក្នុងក្រុមហ៊ុន Emirates នេះ គឺធ្វើឡើងបន្ទាប់ពីព្រះរាជទាយាទឌូបៃ កាលពីខែមីនាបានសន្យាថា នឹងជួយក្រុមហ៊ុននេះពីវិបត្តិ។
ទោះជាយ៉ាងនេះក្ដី មិនមានការផ្សព្វផ្សាយជាសាធារណៈអំពីការចាក់បញ្ចូលសាច់ប្រាក់នេះនោះទេ។ ប៉ុន្ដែ ព័ត៌មានលម្អិតត្រូវបានសាតត្រដាង នៅក្នុងឯកសារទាក់ទងនឹងបណ្ណបំណុល ដែលត្រូវបានបង្ហាញដោយរដ្ឋាភិបាលឌូបៃ។
អត្ថបទទាក់ទង!
កាលពីខែឧសភាក្រុមហ៊ុន Emirates បាននិយាយថា ខ្លួនមានផែនការបង្កើនបំណុល ដើម្បីគ្រប់គ្រងផលប៉ះពាល់នៃមេរោគរាតត្បាត ហើយក្រុមហ៊ុននេះ បានពង្រីកបំណុលប្រមាណ ១,២ពាន់លានដុល្លារអាមេរិក នៅក្នុងត្រីមាសទី ១។
នៅក្នុងខែនេះ ក្រុមហ៊ុនអាកាសចរណ៍អារ៉ាប់រួមមួយនេះ បានស្នើបុគ្គលិកអ្នកបម្រើយន្ដហោះ ស្ម័គ្រចិត្តសម្រាកពីការងារដោយមិនទទួលបានប្រាក់ខែ ហើយប្រភពព័ត៌មានបានឲ្យដឹងថា ដំណើរការឈប់សម្រាប់ពីការងារនេះ បានចាប់ផ្ដើមឡើងតាំងពីខែកក្កដាមកទល់ពេលនេះ ដោយមានបុគ្គលិកជាច្រើនត្រូវបានបញ្ឈប់នៅក្នុងខែនេះ៕
None
