នៅទីបំផុត ផ្លែស្វាយវៀតណាម ៨ តោន ត្រូវបានអនុញ្ញាតឲ្យនាំចេញទៅអាមេរិក ជើងដំបូង ក្រោយពីបានត្រួតពិនិត្យស្ដង់ដារគុណភាពរួចរាល់ដោយ សេវាអធិការកិច្ចសុខភាពសត្វ និងរុក្ខជាតិ របស់អាមេរិក។ ការនាំចេញស្វាយទៅអាមេរិកនេះ គឺជាលើកទី១ហើយ របស់វៀតណាម ក្រោយពីប្រើពេលបានចរចាជាមួយអាមេរិក អស់១ ទសវត្សរ៍។
សារព័ត៌មាន ក្នុងស្រុកវៀតណាម Vietnam express បានឲ្យដឹងថា នៅប្រទេសវៀតណាម ខេត្ត ដុង ហាប គឺជាតំបន់ដាំដុះស្វាយច្រើនជាងគេបង្អស់ ដែលមានផ្ទៃដីជាង ៩ពាន់ហិកតា និងអាចប្រមូលទិន្នផលស្វាយប្រមាណជិត ១៣ ម៉ឺនតោន ក្នុងមួយឆ្នាំ។
អត្ថបទទាក់ទង!
ផ្លែស្វាយ គឺជាមុខផ្លែឈើទី៦ហើយ
ដែលបានទទួលសិទ្ធិនាំចេញទៅអាមេរិក បន្ទាប់ពីផ្លែស្រកានាគ សាវម៉ៅ គូលេន តាង៉ែន និងផ្លែទឹកដោះគោ។
ជាមួយគ្នានេះ សហរដ្ឋអាមេរិក ត្រូវបានដឹងថា គឺជាប្រទេសអ្នកបញ្ជាទិញ ផលិតផលកសិកម្ម ធំទី៤ របស់វៀតណាម កាលពីឆ្នាំមុន ដែលមានប្រមាណ ជិត១១% នៃការនាំចេញរបស់វៀតណាម បន្ទាប់ពីប្រទេសចិន អឺរ៉ុប និងអាស៊ាន។
ក្នុងចំណោម ៩៦ ភាគរយ នៃផ្លែស្វាយដែលប្រមូលផលបាននៅវៀតណាម ត្រូវបានប្រើប្រាស់នៅក្នុងស្រុក និងនៅសល់ប៉ុន្មាន បានធ្វើការនាំចេញទៅកាន់ ៤០ ប្រទេស ជាលក្ខណៈផ្លែឈើស្រស់ផង និងកែច្នៃផង។
ទីផ្សារសំខាន់ៗផ្សេងទៀតរបស់ផលិតផលផ្លែឈើវៀតណាម
មានដូចជាំ កូរ៉េខាងត្បូង ជប៉ុន អូស្រ្តាលី និងញ៉ូស័រឡែនផងដែរ។
ទោះយ៉ាងណា ទំហំកូតានាំចេញស្វាយពីវៀតណាម ទៅអាមេរិកមានចំនួនប៉ុន្មានតោន ក្នុងមួយឆ្នាំនោះ គេនៅមិនទាន់បានបង្ហាញពីចំនួនជាក់លាក់នៅឡើយទេ។
ប៉ុន្ដែ បើតាមនាយកដ្ឋានការពាររុក្ខជាតិវៀតណាម ធ្លាប់បានប្រាប់សារព័ត៌មានក្នុងស្រុកថា អាមេរិកមានតម្រូវការនាំចូលផ្លែស្វាយយ៉ាងហោចណាស់ ១ឆ្នាំ ចំនួន ៤០ម៉ឺនតោន ពីប្រទេស ម៉ិចស៊ិកូ ប៉េរូ អេក្វាដូ ប្រេស៊ីល និងហ្គាតេម៉ាឡា៕
None
