ពីរថ្ងៃក្រោយការឡើងកាន់តំណែងរបស់លោក ត្រាំ តម្លៃមាសនៅកម្ពុជា ហក់ឡើងដល់៣៣០០ដុល្លារក្នុង១តម្លឹង
ហាងឆេងតម្លៃមាសនៅលើទីផ្សារក្នុងប្រទេសកម្ពុជា បានហក់ឡើងយ៉ាងគំហុក ពោលគឺបានកើនឡើង៦០ដុល្លារអាម៉េរិក ក្នុង១តម្លឹង នៅពីរថ្ងៃក្រោយការស្បថចូលកាន…
ក្រសួងសន្តិសុខសាធារណៈរបស់ប្រទេសវៀតណាមបានអះអាងកាលពីពេលថ្មីៗថា ចាប់ពីខែមករា ដល់ខែតុលា ឆ្នាំ២០២៤ អំពើចោរកម្មចំនួន៣០ករណីត្រូវបានកត់ត្រានៅលើជើងហោះហើរធ្វើដំណើរទៅមកអាកាសយានដ្ឋានអន្តរជាតិវៀតណាម ដោយជនសង្ស័យបរទេសចំនួន៣៣នាក់ត្រូវបានកំណត់អត្តសញ្ញាណ។
សកម្មភាពលួចទាំងនេះភាគច្រើនមានការពាក់ព័ន្ធនឹងក្រុមដែលបានរៀបចំផែនការទុកជាមុនបានយ៉ាងល្អ ហើយក្រសួងនេះបាននិយាយថា ជនល្មើសជាធម្មតាជាជនបរទេសដែលតែងតែធ្វើដំណើរក្នុង និងក្រៅប្រទេសវៀតណាម ដោយពេលខ្លះពួកគេបានប្តូរជើងហោះហើរក្នុងស្រុក និងអន្តរជាតិក៏ដូចជាក្រុមហ៊ុនដឹកជញ្ជូនផ្សេងៗទៀតផងដែរ។
ក្រុមឧក្រិដ្ឋជនច្រើនតែទិញសំបុត្រនៅនាទីចុងក្រោយ គេចពីការត្រួតពិនិត្យឥវ៉ាន់ និងជ្រើសរើសកៅអីដែលជួយសម្រួលដល់សកម្មភាពខុសច្បាប់របស់ពួកគេ ហើយក្នុងករណីខ្លះទៀត ក្រុមចោរថែមទាំងបានកំណត់គោលដៅអ្នកដំណើរថ្នាក់ជំនួញ ដើម្បីលួចយកវត្ថុមានតម្លៃខ្ពស់ទៀតផង។
ក្រសួងសន្តិសុខសាធារណៈបានសម្តែងការព្រួយបារម្ភចំពោះការកើនឡើងនូវអំពើចោរកម្មបែបនេះ ដែលវាអាចធ្វើឱ្យប៉ះពាល់អវិជ្ជមានទាំងលើសិទ្ធិអ្នកដំណើរ និងកេរ្តិ៍ឈ្មោះរបស់ក្រុមហ៊ុនអាកាសចរណ៍វៀតណាម៕
អត្ថបទ៖ សុខ មង្គល
