ទំហំទឹកប្រាក់នៃការនាំចេញនាំចូលរបស់កម្ពុជានៅឆមាសទី១ឆ្នាំ២០១៧នេះ កើនឡើងជិត ៥ភាគរយ ជាមួយទឹកប្រាក់សរុបប្រមាណ ជាង១ម៉ឺន១ពាន់ ៤២៤លានដុល្លារ ធៀបនឹងរយៈពេលដូចគ្នាកាលពីឆ្នាំ២០១៦ មានទឹកប្រាក់ត្រឹមតែ ១ម៉ឺន ៨៩៨លានដុល្លារ។
តើអ្នកបានអានអត្ថបទនេះឬនៅ?
គិតចាប់តាំងពីខែមករា ដល់ខែមិថុនា កម្ពុជាបានអនុញ្ញាតឲ្យមានការនាំចូលផលិតផលសំខាន់ៗ រួមមាន ផលិតផលវត្ថុធាតុដើមបម្រើឲ្យវិស័យកាត់ដេរ រថយន្ត ម៉ូតូ គ្រឿងអេឡិចត្រូនិច ម្ហូបអាហារ និងសំភារៈសំណង់ ដែលមានទឹកប្រាក់សរុប ៦ពាន់ ៤៧៩លានដុល្លារ កើនឡើង ២ភាគរយ ធៀបកាលពីឆ្នាំ២០១៦ មានត្រឹមតែជាង ៦ពាន់៣៣០លានដុល្លារ។
ចំណែកការនាំចេញរបស់កម្ពុជាវិញ សម្រេចបានក្នុងទឹកប្រាក់ ៤ពាន់៩៤៥លានដុល្លារ ធៀបនឹងឆ្នាំមុនមានទឹកប្រាក់ប្រមាណ ៤ពាន់ ៥៦៨លានដុល្លារ កើនឡើងជាង៨ភាគរយ។ ក្នុង នោះ ផលិតផលដែលកម្ពុជានាំចេញមានផលិតផលសំខាន់ៗ ដូចជា សម្លៀកបំពាក់ ស្បែកជើង អង្ករ កៅស៊ូ និង កង់។ បច្ចុប្បន្ន កម្ពុជាកំពុងតែជំរុញខ្លាំងលើផលិតផលកសិកម្ម និងឧស្សាហកម្មជាចម្បង៕
