ប្រទេសចំនួន៥នៅអាស៊ានរួមគ្នាគ្រប់គ្រង និងពង្រឹងសុវត្ថិភាពអាកាសចរណ៍ក្នុងតំបន់
ប្រទេសម៉ាឡេស៊ី និងប្រទេសជាសមាជិកអាស៊ានចំនួន៤ផ្សេងទៀត បានចុះអនុស្សរណៈនៃការយោគយល់គ្នា (MoU) លើគំនិតផ្ដួចផ្ដើមចែករំលែកទិន្នន័យ និងព័ត៌ម…
ប្រទេសឥណ្ឌា គ្រោងបង្កើតច្រករបៀងឧស្សាហកម្មក្រុងដេលី និងក្រុងមុំបៃ ហៅកាត់ថា DMIC ហើយនៅក្នុងគម្រោងមហិមារបស់ពិភពលោកនេះនឹងសាងសង់ទីក្រុងថ្មីៗចំនួន៨ពីចំណុចសូន្យរវាងទីក្រុងដេលី និងទីក្រុងមុំបៃ។ គោលដៅសំខាន់នៃការបង្កើតច្រករបៀងឧស្សាហកម្មក្រុងដេលី និងក្រុងមុំបៃនេះ គឺដើម្បីបង្កើនសមត្ថភាពឧស្សាហកម្មរបស់ប្រទេសឥណ្ឌា ជំរុញពាណិជ្ជកម្ម និងបង្កើតការងាររាប់លានកន្លែងតាមរយៈការតភ្ជាប់មជ្ឈមណ្ឌលឧស្សាហកម្មនានា ដែលមានទីតាំងស្ថិតនៅតាមច្រករបៀង ដែលមានប្រវែងរហូតដល់ទៅ១.៥០០គីឡូម៉ែត្រនេះ។
គម្រោងច្រករបៀងឧស្សាហកម្មក្រុងដេលី និងក្រុងមុំបៃនេះ គឺជាការបណ្តាក់ទុនរួមគ្នារវាងប្រទេសឥណ្ឌា និងប្រទេសជប៉ុន ដែលត្រូវបានរចនាឡើង ដើម្បីកែលម្អវិស័យផលិតកម្ម និងការដឹកជញ្ជូនទំនិញរបស់ប្រទេសឥណ្ឌា។
ទោះបីជាគម្រោងច្រករបៀងឧស្សាហកម្មក្រុងដេលី និងក្រុងមុំបៃ ត្រូវបានប្រកាសជាលើកដំបូងតាំងពីឆ្នាំ២០០៧ យ៉ាងណាក្ដី ក៏គម្រោងនេះមានវឌ្ឍនភាពយឺតយ៉ាវណាស់ ដោយសារមានបញ្ហាប្រឈមធំៗមួយចំនួនរួមមានដូចជាការទិញដីធ្លី និងការពន្យារពេលក្នុងការទទួលបានហិរញ្ញប្បទានជាដើម។ តែទោះជាយ៉ាងនេះក្ដី ក៏គម្រោងមហិមាខាងលើនេះនៅតែជាអាទិភាពកំពូលមួយសម្រាប់យុទ្ធសាស្ត្រអភិវឌ្ឍន៍រយៈពេលវែងរបស់ប្រទេសឥណ្ឌា។ សូមបញ្ជាក់ថា គម្រោងនេះគ្រោងនឹងបញ្ចប់ជាស្ថាពរនៅឆ្នាំ២០៤០៕
ដោយ: សុខុម
None
