អភិបាលខេត្តកំពត ហាមការពិឃាតសាច់យកសាច់នៅក្នុងថ្ងៃសីល

បើតាមលិខិត​របស់​មន្ទីរកសិកម្មខេត្តកំពត ការណែនាំមិនឲ្យសម្លាប់សត្វយកសាច់​នៅរៀងរាល់ថ្ងៃសីលនេះ ធ្វើឡើង​ដើម្បីលើកកម្ពស់​ទៅដល់វិស័យព្រះ​ពុទ្ធសាសនា​ឲ្យស្របទៅតាម​រដ្ឋធម្មនុញ្ញ នៃព្រះរាជាណាចក្រកម្ពុជា ដែលបាន​កំណត់ថា​​ព្រះពុទ្ធសាសនា​ជាសាសនា​របស់រដ្ឋ។ អាស្រ័យហេតុនេះ​ ដើម្បីពង្រឹង​ការអនុវត្តអនុក្រឹត្យ និងអនុសាសន៍ណែនាំដ៏ខ្ពង់ខ្ពស់​របស់ឯកឧត្តមអភិបាលខេត្ត ឲ្យមានប្រសិទ្ធភាព មន្ទីរ ​កសិកម្ម រក្ខាប្រមាញ់ និងនេសាទ ខេត្តកំពត ស្នើឲ្យមានការចូលរួម​សហការជាមួយក្រសួងពាក់ព័ន្ធទាំងអស់រៀប​ចំផ្សព្វផ្សាយ​ទៅកាន់អាជីវកម្មពិឃាតសត្វ ​និងម្ចាស់សត្តឃាតដ្ឋានទាំងអស់ ដោយមិនមានការអនុញ្ញាត​ឲ្យមានការពិឃាតសត្វ​នៅថ្ងៃសីល​បន្ត​ទៀតនោះឡើយ ចាប់ពីថ្ងៃទី២៩ ខែតុលា ឆ្នាំ២០២១ នេះតទៅ។

សូមជម្រាបថានៅក្នុងករណីអាជីវករប្រកបអាជីវកម្មពិឃាតសត្វនិងម្ចាស់សត្តឃាត ដ្ឋានណាមួយមិនអនុវត្តតាមការណែនាំនេះទេ មន្ទីរនឹងចាត់វិធានការ​ទៅតាម​នីតិវិធី ច្បាប់​ដោយតឹងរឹងបំផុត៕