ទិន្នន័យពីការិយាល័យត្រួតពិនិត្យឧស្សាហកម្មល្បែង (DICJ) បានបង្ហាញថា បើធ្វើការប្រៀបធៀបអំឡុង ខែកក្កដា និងខែកញ្ញា ជាមួយនឹងត្រីមាសមុន ចំណូលពីវិស័យល្បែង VIP បានធ្លាក់ចុះជាង២%។
ទន្ទឹមនឹងនេះ ក្រុមហ៊ុនឈ្មួញជើងសារ ដូតឆ៍ បែង បានប៉ាន់ប្រមាណថា នៅត្រីមាសចុងក្រោយនៃឆ្នាំនេះ គេនឹងបានឃើញកំណើនចំណូលពីវិស័យល្បែងនៅម៉ាកាវអាចនឹងមានការកើនឡើងយឺត ទៅដល់ប្រមាណជិត១០% ប៉ុន្ដែ វិស័យល្បែងលំដាប់ខ្ពស់ ឬហៅថា VIP អាចកើនឡើងជាង ៧%។
អត្ថបទទាក់ទង!
ចំណូលពីល្បែងតាមរយៈម៉ាស៊ីនអេឡិចត្រូនិក ឬហៅថា Slot machine បានកើនឡើង ៩% ស្មើនឹងចំណូលប្រមាណ ជាង ៤០០លានដុល្លារអាមេរិក។ រីឯចំណូលពីល្បែងបៀរវិញ កើនឡើងជាង ២១% ដែលមានចំណូលជាង ៣ពាន់លានដុល្លារអាមេរិក។
តាមរបាយការណ៍បានឲ្យដឹងថា គិតត្រឹមចុងខែកញ្ញាកន្លងទៅនេះ ល្បែងម៉ាស៊ីនអេឡិចត្រូនិក ឬហៅថា Slot Machines មានជាង ១៧.០០០ ម៉ាស៊ីន កើនឡើងជាង ៥% ខណៈតុល្បែងវិញមានជាង ៦.៥០០តុ កើនឡើងជាង ២% ធៀបនឹងរយៈពេលដូចគ្នាកាលពីឆ្នាំមុននេះ៕
None
