ថ្លែងនៅក្នុងកិច្ចប្រជុំបន្ទាន់មួយ ដើម្បីបន្តនិរន្តរភាពការងារ ពង្រឹងសន្តិសុខសណ្តាប់ធ្នាប់ រក្សារបៀបរៀបរយក្នុងខេត្តព្រះសីហនុ ឲ្យកាន់តែប្រសើរឡើង ដែលមាន ស្នងការនគរបាលខេត្តតាមតំបន់មាត់សមុទ្រចំនួន ៣ទៀតចូលរួម គឺ ខេត្តកំពត កែប និងកោះកុង ដែលបានធ្វើឡើងកាលពីថ្ងៃទី ១កក្កដា ២០១៩នេះ ឯត្តមសេនីយ៍ទោ ជួន ណារិន្ទ ស្នងការនគបាលខេត្តព្រះសីហនុ បានរាយការណ៍ដឹងថា ខេត្តព្រះសីហនុមានភាគច្រើន បានវិនិយោគ និងគ្រប់គ្រងអាជីវកម្មដោយជនជាតិចិន ដែលធ្វើឲ្យខេត្តព្រះសីហនុមានការរីកចម្រើនយ៉ាងឆាប់រហ័សលើគ្រប់វិស័យ ដូចជាកាស៊ីណូ សណ្ឋាគារ ផ្ទះសំណាក់ ភោជនីយដ្ឋាន ព្រមទាំងមុខរបរផ្សេងៗជាច្រើនទៀត។
អត្ថបទទាក់ទង!
បើតាមស្នងការនគរបាលខេត្តព្រះសីហនុ បានបញ្ជាក់ឲ្យដឹងថា ខេត្តព្រះសីហនុ មានសណ្ឋាគារ និងផ្ទះសំណាក់ចំនួន ១៥៦កន្លែង គ្រប់គ្រងដោយជនជាតិចិនចំនួន ១៥០កន្លែង។ កាស៊ីណូចំនួន ៦២កន្លែង វិនិយោគដោយជនជាតិចិន ៤៨កន្លែង។ ក្លិបកំសាន្ត ខារ៉ាអូខេ ៤១កន្លែង គ្រប់គ្រងដោយជនជាតិចិន។ ហាងម៉ាស្សាចំនួន ៤៦ កន្លែងគ្រប់គ្រងដោយជនជាតិចិន។ ភោជនីយដ្ឋានចំនួន ៤៣៦ គ្រប់គ្រងដោយជនជាតិចិន ៩៥%។
គួរបញ្ជាក់ថា ខេត្តព្រះសីហនុ នាមួយរយៈចុងក្រោយនេះ មានការវិនិយោគយ៉ាងគំហុកពីសំណាក់វិនិយោគិនចិន។
សូមចូលអានរឿងសំខាន់ៗផ្សេងៗទៀត ទាក់ទងខេត្តព្រះសីហនុ តាម Link ខាងក្រោមនេះ ៖
None
