នៅក្នុងសេចក្ដីប្រកាសព័ត៌មានរបស់ក្រសួងប្រៃសណីយ៍ និងទូរគមនាគមន៍ នៅថ្ងៃទី ១០ ខែសីហា បានឲ្យដឹងថា ក្រុមហ៊ុន វៀតធេល (ខេមបូឌា) ឬគេស្គាល់ថាក្រុមហ៊ុន Metfone និងក្រុមហ៊ុន ស្មាត អាស្យាតា ខូអិលធីឌី (ក្រុមហ៊ុន Smart) បានធ្វើសកម្មភាពលក់ និងចែកចាយលក់ស៊ីមកាតតាមទីទាំងមួយចំនួន ដោយពុំតម្រូវឲ្យអ្នកប្រើប្រាស់ផ្ដល់ឯកសារសម្គាល់អត្តសញ្ញានោះទេ។ សកម្មភាពនេះ បង្ហាញឲ្យឃើញនូវការបន្តអនុវត្តផ្ទុយនឹងសារាចរអន្តរក្រសួង និងសេចក្ដីណែនាំរបស់ក្រសួងប្រៃសណីយ៍ និងនិយ័តករទូរគមនាគមន៍កម្ពុជា។
ដើម្បីពង្រឹងសណ្តាប់ធ្នាប់លើវិស័យទូរគមនាគមន៏ និងសន្តិសុខជាតិតាមយៈការទប់ស្កាត់ការប្រើប្រាស់ស៊ីមកាត ដែលមិនមានឯកសារសម្គាល់អត្តសញ្ញាណត្រឹមត្រូវ ក្រសួងបានចាត់វិធានការចំពោះករណីខាងលើដោយឲ្យបញ្ឈប់ការលក់ និងចែកចាយជាបន្ទាន់ចាប់តាំងពីថ្ងៃជូនដំណឹងនេះតទៅ។
អត្ថបទទាក់ទង!
ក្នុងករណី ប្រតិបត្តិករផ្ដល់សេវាទូរស័ព្ទចល័តទាំងពីរនេះ នៅតែមិនអនុវត្តតាមគោលការណ៍ខាងលើនេះ ក្រសួង និងចាត់វិធានការដូចជា៖
១) ព្យួរ ឬលុបអាជ្ញាបណ្ណប្រតិបត្តិការផ្តល់សេវាទូរស័ព្ទចល័ត
២) បង្កករាល់ការស្នើសុំនានារបស់ប្រតិបត្តិករ
៣). ចាត់វិធានការផ្សេងទៀតស្របតាមមាត្រា៧៨ នៃច្បាប់ស្ដីពីទូរគមនាគមន៍
៤) រាល់បុគ្គលពាក់ព័ន្ធនឹងករណីខាងលើនេះនឹងត្រូវប្រឈមមុខចំពោះមុខច្បាប់ព្រហ្មទណ្ឌហើយក្រសួងប្រៃសណីយ៍ និងទូរគមនាគមន៍នឹងបន្តតាមដាននិងចាត់វិធានការយ៉ាងតឹងរ៉ឹងបំផុត ស្របតាមច្បាប់និងលិខិតបទដ្ឋានគតិយុត្ត ដែលមានជាធរមាន ចំពោះ ប្រតិបត្តិការដែលរផ្តល់សេវាទូរសព្ទចល័តណា ដែលបានប្រព្រឹត្តខុសច្បាប់៕
None
