លោក ម៉ៅរុ នាយកប្រឹក្សាយោបល់ផ្នែកអចលនទ្រព្យនៃ សណ្ឋាគារ Savills អាស៊ីប៉ាស៊ីហ្វិក បានគូសបញ្ជាក់ កត្តាដែលធ្វើឲ្យ ការច្របាច់បញ្ចូលគ្នា ឬការទិញលក់នៅក្នុងវិស័យបដិសណ្ឋាកិច្ច សឹងតែមិនកើតមានឡើងនៅក្នុងពាក់កណ្តាលឆ្នាំ ២០២០នេះ គឺដោយសារតែ វិបត្តិកូវីដ១៩ បានធ្វើឲ្យ ការវាយតម្លៃទៅលើ ទ្រព្យសម្បត្តិ និងការព្យាករណ៍ពីហានិភ័យនានា កាន់តែពិបាកខ្លាំង ធ្វើឲ្យ វិនិយោគិន កាន់តែពិបាកក្នុងការសម្រេចចិត្ត។
លើសពីនេះទៅទៀត ការរឹតបន្តឹងលើជើងហោះហើរអន្តរជាតិ ក៏បានរាំងស្ទះដល់ ការធ្វើដំណើររបស់វិនិយោគិន ដែលមានបំណងចុះមកមើលទីតាំងអចលនទ្រព្យ និងការចរចាទិញលក់ ក៏ត្រូវបានលក់ពន្យារពេល។
អត្ថបទទាក់ទង!
សណ្ឋាគារលំដាប់ផ្កាយ ៤ និងផ្កាយ ៥ នៅឈរជើងរឹងម៉ាំនៅឡើយ ក៏ប៉ុន្តែសណ្ឋាគារលំដាប់ផ្កាយ ៣ និងទាបជាងនេះ គឺកំពុងតែប្រឈមមុខនឹងបញ្ហាជាច្រើន ដោយសារតែ អត្រាភ្ញៀវចូលស្នាក់នៅ មានទាបជាង ១០% ខណៈសណ្ឋាគារត្រូវការចំណាយអប្បបរមា ៣៥% ដើម្បីរក្សាដំណើរការរបស់ខ្លួន។
ទោះយ៉ាងណា អ្នកជំនាញអះអាងថា សកម្មភាពទិញលក់ និងច្របាច់បញ្ចូលគ្នានៅក្នុង វិស័យបដិសណ្ឋាកិច្ច នឹងត្រលប់មកវិញ នៅក្នុងឆ្នាំ ២០២១ និង ២០២២ខាងមុខនេះ ក៏ប៉ុន្តែពេលវេលាជាក់លាក់ គឺពិបាកកំណត់ណាស់ អាស្រ័យទៅលើ ការបើកដំណើរការឡើងវិញនៃ វិស័យអាកាសចរណ៍៕
None
