ទោះយ៉ាងណា អ្នកជំនាញជឿជាក់ថា រាជរដ្ឋាភិបាលកម្ពុជានឹងដាក់ចេញវិធានការជាបន្តបន្ទាប់ ដើម្បីទប់ស្កាត់ការរីករាលដាលនៃមេរោគបំប្លែងខ្លូនថ្មីនេះ។
គិតមកទល់ពេលនេះកម្ពុជាបានរកឃើញអ្នកឆ្លងជំងឺកូវីដ-១៩ បំប្លែងខ្លួនថ្មីអូមីក្រុងក្នុងសហគមន៍ចំនួន៤ករណីហើយ បន្ទាប់ពីក្រសួងសុខាភិបាលប្រកាសរកឃើញ៣ករណីបន្ថែមទៀតនៅថ្ងៃទី១០ ខែមករា ឆ្នាំ២០២២។ វត្តមានមេរោគបំប្លែងខ្លួនថ្មីអូមីក្រុងក្នុងសហគមន៍នេះ កំពុងបង្កក្តីបារម្ភដល់ប្រតិបត្តិករក្នុងវិស័យទេសចរណ៍នៅកម្ពុជា ដែលបានរៀបចំជើងព្រួលត្រៀមទទួលភ្ញៀវទេសចរនៅឆ្នាំ២០២២ នេះ។
លោក ធួន ស៊ីណាន ប្រធានសមាគមទីភ្នាក់ងារទេសចរណ៍អាស៊ីប៉ាស៊ីហ្វិកកម្ពុជាបានចាត់ទុកមេរោគកូវីដ-១៩ បំប្លែងខ្លួនថ្មីអូមីក្រុងកំពុងធ្វើឲ្យប៉ះពាល់ដល់ផែនការស្តារ និងជំរុញកំណើនក្នុងវិស័យ ដែលទើបងើបសន្សឹមៗពីវិបត្តិកូវីដ-១៩ មួយនេះ។ លោកវាយតម្លៃថា ចង់ឬមិនចង់វត្តមានរបស់មេរោគបំប្លែងខ្លួនថ្មីអូមីក្រុងក្នុងសហគមន៍វានឹងធ្វើឲ្យប៉ះពាល់ដល់ការរីកចម្រើនទេសចរណ៍ផ្ទៃក្នុងរបស់កម្ពុជា ដែលកំពុងមានភាពដំណើរការល្អប្រសើរនៅមួយរយៈចុងក្រោយ។ អ្នកជំនាញរូបនេះអះអាងថា ផែនការស្តារវិស័យទេសចរណ៍របស់ពិភពលោក រួមទាំងកម្ពុជាត្រូវបានរាំងស្ទះដោយសារមេរោគបំប្លែងខ្លួនថ្មីអូមីក្រុង ពោលគឺទោះបីកម្ពុជាបានបន្ធូរបន្ថយវិធានការចត្តាឡីស័កចំពោះអ្នកដំណើរចូលមកកម្ពុជា តែចំនួនភ្ញៀវទេសចរបរទេសធ្វើដំណើរមកកម្ពុជានៅមានកម្រិតតិចតួចនៅឡើយ។
អត្ថបទគួរអាន
ជាមួយគ្នានេះ លោកជំទាវ ឆាយ ស៊ីវលីន ប្រធានសមាគមទេសចរណ៍កម្ពុជា បានចាត់ទុកការឆ្លងមេរោគកូវីដ-១៩ប្រភេទអូមីក្រុងចូលក្នុងសហគមន៍ គឺជាហានិភ័យមួយសម្រាប់វិស័យទេសចរណ៍កម្ពុជា។ អ្នកជំនាញរូបនេះជឿជាក់ថា វានឹងធ្វើឲ្យប៉ះពាល់ដល់ផែនការស្តារ និងជំរុញកំណើនវិស័យទេសចរណ៍ ក៏ដូចជាផែនការទទួលភ្ញៀវទេសចរបរទេសដែលបានចាក់វ៉ាក់សាំងកូវីដ-១៩ រួច ប្រសិនបើមេរោគនេះបន្តឆ្លងរាលដាលចូលសហគមន៍កាន់តែខ្លាំង។
ជុំវិញការឆ្លងមេរោគកូវីដ-១៩ ប្រភេទអូមីក្រុងចូលសហគមន៍នេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបានបញ្ជាឲ្យក្រសួងសុខាភិបាលសម្រុកចាក់វ៉ាក់សាំងកូវីដ-១៩ ដូសទី៣ ឬដូសជំរុញជូនប្រជាពលរដ្ឋនៅតាមខេត្ត។ ជាមួយគ្នានេះ សម្តេច ក៏បានបញ្ជាឲ្យចាក់វ៉ាក់សាំងដូសទី៤ ដោយប្រើវ៉ាក់សាំងប្រភេទ Pfizer ជូនក្រុមមនុស្សអាទិភាព នៅរាជធានីភ្នំពេញផងដែរ។
ក្រសួងសុខាភិបាលនៅថ្ងៃទី១០ ខែមករា បានប្រកាសរកឃើញអ្នកវិជ្ជមានកូវីដ-១៩ ថ្មីចំនួន១៥ករណីបន្ថែមទៀត ក្នុងនោះរកឃើញក្នុងសហគមន៍ចំនួន៣ករណី។ ចំនួនអ្នកឆ្លងជំងឺកូវីដ-១៩ សរុបនៅកម្ពុជាបានកើនដល់ជាង១២ម៉ឺននាក់ ជាសះស្បើយជាង១១ម៉ឺននាក់ និងស្លាប់ជាង៣ពាន់នាក់៕
None
