ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់យ៉ាងដូច្នេះ នៅក្នុងដំណើរចុះពិនិត្យសកម្មភាពប្រមូផលអំពៅ និងខ្សែច្រវ៉ាក់ផលិតកម្មរបស់ក្រុមហ៊ុនកិន និងផលិតស្ករអំពៅភ្នំពេញ ស៊ូហ្គឺ នៅថ្ងៃទី ១៧ ខែធ្នូ ឆ្នាំ២០១៩។
ឯកឧត្តម វេង សាខុនបានលើកឡើងយ៉ាងដូច្នេះថា «តាមការឲ្យដឹងពីអ្នកគ្រប់គ្រងទូទៅថារោងចក្រមានសក្តានុពលផលិតក្នុងមួយថ្ងៃបានស្ករស ចំនួន ១ពាន់តោន និងស្ករឆៅ ចំនួន ១ពាន់តោន ដោយប្រើអំពៅប្រហែល ១ម៉ឺនតោន ក្នុងនោះ ៣០ភាគរយក្រុមហ៊ុនផលិត និង៧០ ភាគរយទៀតទទួលបានពីការចុះកិច្ចសន្យាទិញអំពៅពីប្រជាពលរដ្ឋ និងក្រុមហ៊ុនក្នុងស្រុក។»
រោងចក្រផលិតស្ករសរបស់ អ្នកឧកញ៉ា លី យ៉ុង ផាត់ មានសក្ដានុពលផលិតបានស្ករស និងស្ករឆៅ ២ ពាន់តោនក្នុងមួយថ្ងៃ
អត្ថបទទាក់ទង!
ឯកឧត្តម រដ្ឋមន្ត្រី បានគូសបញ្ជាក់ទៀតថា ទីផ្សារធំនាពេលបច្ចុប្បន្នគឺ ប្រទេសវៀតណាម និងក្នុងស្រុក ហើយអនាគតត្រៀមរៀបចំ ឯកសារស្នើសុំនាំចេញទៅកាន់ទីផ្សារក្រៅតំបន់បន្ថែមទៀត។
មិនតែប៉ុណ្ណោះ ឯកឧត្តម វេង សាខុន ក៏បានវាយតម្លៃខ្ពស់ចំពោះឆន្ទ:វិនិយោគរោងចក្រផលិតស្ករអំពៅរបស់អ្នកឧកញ៉ា លី យ៉ុងផាត់ ដែល បានចំណាយទុនជាង ២០០ លានដុល្លារ ដែលនេះជាសកម្មភាពមួយយ៉ាងសំខាន់ក្នុងការចូលរួមចំណែកជួយអភិវឌ្ឍវិស័យកសិឧស្សាហកម្មដំណាំអំពៅ ក៏ដូចជាវិស័យសេដ្ឋកិច្ច និងចូលរួមបង្កើតការងារជូនពលរដ្ឋនៅមូលដ្ឋាន បានចំនួនជាងមួយពាន់នាក់ ។
រោងចក្រផលិតស្ករសរបស់ អ្នកឧកញ៉ា លី យ៉ុង ផាត់ មានសក្ដានុពលផលិតបានស្ករស និងស្ករឆៅ ២ ពាន់តោនក្នុងមួយថ្ងៃ
សូមបញ្ជាក់ថា ក្រុមហ៊ុន ភ្នំពេញ ស៊ូហ្គឺ ត្រូវបានបើកដំណើរការឡើងតាំងពី ខែធ្នូ ឆ្នាំ ២០១២ បើគិតមកទល់ពេលនេះ ក្រុមហ៊ុនផលិតស្ករសនេះ មានអាយុកាល៧ឆ្នាំហើយ។ ក្រុមហ៊ុននេះទទួលបានដីសម្បទានសេដ្ឋកិច្ចពីរដ្ឋាភិបាល ចំនួន ៩.០០០ ហិកតា នៅឃុំអមលាំង ក្នុងខេត្តកំពង់ស្ពឺ។ តាមផែនការរបស់ក្រុមហ៊ុននេះ សម្រាប់ការវិនិយោគដំណាក់កាលទី១ គឺចំណាយដើមទុនសរុប១៥០ លានដុល្លារអាមេរិក ដោយធ្វើការវិនិយោគលើចំណុច៣សំខាន់ គឺការដាំដុះអំពៅ រោងចក្រផលិតស្ករស និងហេដ្ឋារចនាសម្ព័ន្ធមូលដ្ឋានផ្សេងៗ។
យ៉ាងណាក៏ដោយចុះ ការអភិវឌ្ឍរបស់ក្រុមហ៊ុនភ្នំពេញ ស៊ូហ្គឺនេះ នាពេលកន្លងមក ក៏ធ្លាប់មានរឿងអាស្រូវទាក់ទងនឹងការរំលោភបំពានដីធ្លី និងមានការប្ដឹងតវ៉ាពីប្រជាពលរដ្ឋមូលដ្ឋានផងដែរ ហើយជម្លោះនេះក៏ត្រូវបានដោះស្រាយជាបន្តបន្តាប់ផងដែរ៕
រោងចក្រផលិតស្ករសរបស់ អ្នកឧកញ៉ា លី យ៉ុង ផាត់ មានសក្ដានុពលផលិតបានស្ករស និងស្ករឆៅ ២ ពាន់តោនក្នុងមួយថ្ងៃ
© 2024 រក្សាសិទ្ធិគ្រប់បែបយ៉ាងដោយ ខេមបូណូមីស។ សម្រាប់ការប្រើប្រាស់ ឬផ្សាយបន្ត សូមទាក់ទងមក អ៊ីម៉េល sothea[at]cambonomist.com ឬទូរស័ព្ទលេខ 089 777 076។
