ធនាគារ អេសប៊ីអាយ លី ហួរ ម.ក បានបើកសាខាថ្មីជាផ្លូវការ នៅលើមហាវិថី ព្រះនរោត្តម ក្បែរវិមានឯករាជ្យ ។
អគារសា្នក់ការសាខាចំការមនថ្មីនេះគឺស្ថិតនៅលើអគារលេខ ១១៨ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ធនាគារ អេស ប៊ី អាយ លី ហួរ ម.ក ដែលជាធនាគារពាណិជ្ជមួយក្នុងចំណោមធនាគារដែលមានការវិវត្តន៍លឿនបំផុតនៅក្នុងព្រះរាជាណាចក្រកម្ពុជា បានបើកបម្រើសេវាកម្មហិរញ្ញវត្ថុជូនអតិថិជនបន្ទាប់ពីទទួលបានអជ្ញាបណ្ណពីធនាគារជាតិនៃកម្ពុជា កាលពីខែមីនា ឆ្នាំ២០២០ ។
បើទោះបីជាទទួលរងនូវផលប៉ះពាល់ជាសកលពីជំងឺឆ្លងកូវីដ-១៩យ៉ាងណាក្តី ក៏ធនាគារ អេស ប៊ី អាយ លី ហួរ ម.ក នៅតែបន្តរីកចម្រើនទៅមុខស្របទៅតាមតម្រូវការរបស់ប្រជាពលរដ្ឋទាំងនៅក្នុងតំបន់ទីប្រជុំជន និងជនបទ ដែលមានចំណូលទាបនិងមធ្យម ។ ដោយគិតត្រឹមចុងខែកុម្ភៈ ឆ្នាំ២០២១ ធនាគារ អេស ប៊ី អាយ លី ហួរ ម.ក បានផ្តល់ការងារជូនប្រជាពលរដ្ឋកម្ពុជាមានចំនួនជាង ១.៥០០កន្លែង គ្របដណ្តប់ ២៥ខេត្ត/ក្រុង/រាជធានី តាមរយៈសាខាទាំង ៤៥ កន្លែង ។
អត្ថបទទាក់ទង
លើសពីនេះទៅទៀត ធនាគារ អេស ប៊ី អាយ លី ហួរ ម.ក នឹងខិតខំស្វែងរកប្រភពទុនទាំងនៅ ក្រៅស្រុក និងក្នុងស្រុកដើម្បីផ្តល់សេវាកម្មផ្នែកហិរញ្ញវត្ថុល្អបំផុតជូនដល់ប្រជាពលរដ្ឋ ក៏ដូចជាទាក់ទាញការវិនិយោគរយៈពេលយូរអង្វែង ក្នុងការលើកកម្ពស់វិស័យសេដ្ឋកិច្ច និងស្ថេរភាពនយោបាយសម្រាប់ព្រះរាជាណាចក្រកម្ពុជា។
ជាមួយបទពិសោធន៍ផ្នែកធនាគារនិងសេវាកម្មអតិថិជនជាង ២០ឆ្នាំ លើការដឹកនាំក្រុមការងារផ្នែកលក់និងប្រតិបត្តិការធនាគារ លោកស្រី ហ៊ាង បូតេ ដែលជាប្រធានសាខា ចំការមន បានលើកឡើងថា «សាខាធនាគារបែបឌីជីថល និងធនាគារដែលឈានមុខគេ បានត្រៀមខ្លួនរួចជាស្រេចដើម្បីបម្រើអតិថិជន ហើយប្រធានសាខានឹងផ្តល់នូវដំណោះស្រាយល្អបំផុតនៃសេវាកម្មហិរញ្ញវត្ថុ ។»
លោកស្រី ហ៊ាង បូតេ ប្រធានសាខា ធនាគារ អេសប៊ីអាយ សាខាចំការមន ។
សម្រាប់សេវាកម្មលម្អិត សូមទំនាក់ទំនង ៖
លោកស្រី ហ៊ាង បូតេ ប្រធានសាខា
ទូរសព្ទៈ០១២ ៦០០ ៤៣៣/០១៥ ៨៨៥ ១២៤
អ៊ីម៉ែលៈ [email protected]
អំពីធនាគារ
ធនាគារ អេស ប៊ី អាយ លី ហួរ ម.ក គឺជាការវិនិយោគទុនរួមគ្នារវាងក្រុមហ៊ុន លីហួរ គ្រុប និង ក្រុមហ៊ុន អេស ប៊ី អាយ ហូលឌីង ។ ធនាគារ អេស ប៊ី អាយ លី ហួរ ម.ក ទទួលបានអាជ្ញាបណ្ណស្របច្បាប់ពីធនាគារជាតិ នៃកម្ពុជា កាលពីខែមីនា ឆ្នាំ២០២០។ ធនាគារ អេស ប៊ី អាយ លី ហួរ ម.ក ប្រតិបត្តិការអាជីវកម្មទូទាំង ២៥ខេត្ត/រាជធានី នៃព្រះរាជាណាចក្រកម្ពុជា ជាមួយបុគ្គលិកជាង ១.៥០០នាក់ ៕
