ប៉ុន្មានឆ្នាំមុន ប្រទេសកូរ៉េខាងត្បូង គឺមានការកើនឡើងខ្លាំងនូវប្រភេទអាជីវកម្មខ្នាតតូចតាច (Self-Employed Business) ហើយភាគច្រើននៃអាជីវកម្មទាំងនោះ គឺជាភោជនីយដ្ឋាន។ ដោយសារតែមានវិបត្តិសេដ្ឋកិច្ច និងបានកាត់បន្ថយការប្រើប្រាស់ បានធ្វើឲ្យមានអាជីវកម្មជាង ៨០ម៉ឺនអាជីវកម្មនៅកូរ៉េខាងត្បូងត្រូវបានបិទទ្វារបន្ទាប់ពីពួកគេបានបើកក្នុងរយៈពេលបានតែ៣ឆ្នាំប៉ុណ្ណោះ។
នៅប្រទេសកូរ៉េខាងត្បូង នៅពេលអាជីវកម្មបិទទ្វារម្ចាស់អាជីវកម្មត្រូវមានទំនួលខុសត្រូវច្រើន ដូចជាសម្អាតទីតាំង លុបចោលនូវឈ្មោះបង់ថ្លៃអគ្គិសនី សម្ភារៈគ្រឿងសង្ហារឹម និងការចំណាយលើថ្លៃផ្សេងៗទៀត។
អត្ថបទទាក់ទង!
ដោយមានភាពស្មុគ្រស្មាញច្រើន ម្ចាស់ហាងជាច្រើនបានជ្រើសេវាប្រឹក្សារបស់ក្រុមហ៊ុនដែលមានជំនាញលើផ្នែកនេះ ដោយក្រុមហ៊ុនប្រឹក្សាយោបល់ គឺនឹងចាត់ចែងការងារដែលទាក់ទងនឹងការរុះរើបិទទ្វារហាងទាំងនោះ សម្រាប់ម្ចាស់ហាងទាំងអស់។
ក្រុមហ៊ុន Go Gyeon Joo ដែលជាក្រុមហ៊ុនផ្ដល់ការប្រឹក្សាយោបល់នៅកូរ៉េខាងត្បូងបានឲ្យដឹងថា ក្រុមហ៊ុននេះ ផ្ដល់សេវាប្រឹក្សាយោបល់សម្រាប់អាជីវកម្មបិទទ្វារប្រមាណ២៥០ ទៅ ៣០០ អាជីវកម្មក្នុងមួយខែៗ។
បើគិតតាំងពីដើមខែឆ្នាំមុន មកដល់ខែសីហា ឆ្នាំ២០១៩ ក្រុមហ៊ុនកូរ៉េមួយនេះ បានផ្ដល់សេវាប្រឹក្សាសម្រាប់អាជីវកម្មបិទទ្វាជាង៤ពាន់អាជីវកម្ម។
បើតាមរបាយការណ៍បានឲ្យដឹងថា ចំនួនអាជីវកម្មខ្នាតតូចដែលបានដាក់សំណើរបិទទ្វារនៅកូរ៉េខខាងត្បូង កាលពីឆ្នាំ ២០១៨ មានប្រមាណ១លានអាជីវកម្ម ដែលវាបានធ្វើឲ្យខាតបង់សេដ្ឋកិច្ច ក្នុងប្រទេសកូរ៉េខាងត្បូងប្រមាណ ៣០ ពាន់លានដុល្លារអាមេរិក៕
None
